ହରିଆଣା : ହରିଆଣା ଜିନ୍ଦ୍ ଗାଁ କାଣ୍ଡେଲା ନିକଟ ଜିନ୍ଦ-ଚଣ୍ଡିଗଡ ଜାତୀୟ ରାଜପଥରେ ଟାଟା ଏସି ଗାଡି ଓ ଟ୍ରକ ମଧ୍ୟରେ ମୁହାଁମୁହିଁ ଧକ୍କା ହୋଇ ଛଅ ଜଣଙ୍କ ମୃତ୍ୟୁ ଘଟିଛି। ଏହାସହ ୧୭ ଜଣ ଆହତ ହୋଇଛନ୍ତି। ହରିଦ୍ୱାରରେ ଅସ୍ଥି ବିସର୍ଜନ କରି ଫେରୁଥିବା ସମୟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି ବୋଲି ପ୍ରାଥମିକ ତଦନ୍ତରୁ ଜଣାପଡିଛି।ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଖବର ପାଇ ସଦର ଥାନା ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।
ନାରନୌନ୍ଦ ଗାଁର ବାସିନ୍ଦା ଜଣେ ପରିବାର ସଦସ୍ୟଙ୍କ ଅସ୍ଥିି ବିସର୍ଜନ ପାଇଁ ତାଙ୍କ ପରିବାରର ୨୩ ଜଣ ଟାଟା ଏସି ଗାଡିରେ ହରିଦ୍ୱାର ଅଭିମୁଖେ ଯାଉଥିଲେ। ମଙ୍ଗଳବାର ସକାଳେ ସଭିଏଁ ଘରକୁ ଫେରୁଥିଲେ। ସେହି ସମୟରେ ଜିନ୍ଦ୍ ଜାତୀୟ ରାଜପଥରେ ଜିନ୍ଦ୍ ଆଡକୁ ଯାଉଥିବା ଦ୍ରୁତ ଗତିରେ ଯାଉଥିବା ଏକ ଟ୍ରକ ଟାଟା ଏସି ଗାଡିକୁ ଧକ୍କା ଦେଇଥିଲା।
ଖବର ପାଇବା ମାତ୍ରେ ସଦର ଥାନା ପୁଲିସ ଘଟଣା ସ୍ଥଳରେ ପହଞ୍ଚି ମୃତାହତଙ୍କୁ ଉଦ୍ଧାର କରିଥିଲେ। ଦୁର୍ଘଟଣା ପରେ ଟ୍ରକ ଚାଳକ ଗାଡିକୁ ଛାଡି ଫେରାର ହୋଇଯାଇଛି । ଘଟଣାର ତଦନ୍ତ କରାଯାଉଛି।
