ହରଭଙ୍ଗା: ପ୍ରଚଣ୍ଡ ତାତିରେ ସାରା ଓଡ଼ିଶା ସିଜୁଛି। ରାଜ୍ୟର ସବୁଠାରୁ ଉତ୍ତପ୍ତ ସହର ତାଲିକାରେ ବୌଦ୍ଧ ଜିଲ୍ଲା ଆଗରେ ରହିଛି।ପ୍ରଚଣ୍ଡ ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ରାଜ୍ୟ ସରକାର ଶ୍ରମିକଙ୍କୁ ଟାଣ ଖରାରେ କାମ ନକରାଇବାକୁ ଦେଇଥିବା ନିର୍ଦ୍ଦେଶକୁ ଉଲ୍ଲଂଘନ ଘଟଣା ପୂର୍ତବିଭାଗର ଶ୍ରମିକମାରଣା ନୀତିକୁ ପଦାରେ ପକାଇଛି।
ପ୍ରକାଶ ଯେ, ଦୁର୍ଘଟଣାକୁ ଦୃଷ୍ଟିରେ ରଖି ବର୍ତ୍ତମାନ ହରଭଙ୍ଗା ବ୍ଲକର ହରଭଙ୍ଗା-ଚାରିଛକ ପୂର୍ତବିଭାଗ ରାସ୍ତାର ସ୍କୁଲ, ମେଡିକାଲ ସମ୍ମୁଖରେ ସ୍ପିଡ ବ୍ରେକର(ହମ୍ପ୍ସ) ପୂର୍ତବିଭାଗ ପକ୍ଷରୁ ନିର୍ମାଣ ଚାଲିଛି। ମାତ୍ର ସବୁଠାରୁ ଅଧିକ ଉତ୍ତପ୍ତ ଜିଲ୍ଲାରେ ଉଦୁ ଉଦିଆ ଦିନ ୨ଟା ଟାଣ ଖରାରେ ଶ୍ରମିକଙ୍କୁ ନିର୍ମାଣ କାମରେ ନିୟୋଜିତ କରାଯିବା ଘଟଣାକୁ ସାଧାରଣରେ ନାପସନ୍ଦ କରାଯାଇଛି। ଏଭଳି କାର୍ଯ୍ୟ ଉପରେ ତୁୁରନ୍ତ ଶ୍ରମବିଭାଗ ତଦନ୍ତ କରି କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବୀ ହେଉଛି। ଏ ସମ୍ପର୍କରେ ପଚରାଉଚରା ପାଇଁ ପୂର୍ତବିଭାଗ ପୁରୁଣାକଟକ ସେକ୍ସନ ଯନ୍ତ୍ରୀ ପଂଚାନନ ସାହୁଙ୍କୁ ଯୋଗାଯୋଗ କରିଥିଲେ ସୁଦ୍ଧା ସମ୍ଭବ ନହେବାରୁ ପ୍ରତିକ୍ରିୟା ମିଳିପାରିନାହିଁ।
