ହରଭଙ୍ଗା :ହରଭଙ୍ଗା ବ୍ଲକ ପୁରୁଣାକଟକ ସ୍ଥିତ କଲ୍ୟାଣ ମଣ୍ଡପ ଠାରେ ଜିଲା ଶିକ୍ଷକ ସଂଘର ସଭାପତି ଦିଲୀପ ପ୍ରଧାନଙ୍କ ସଭାପତିତ୍ବରେ ହରଭଙ୍ଗା ବ୍ଲକ ଶିକ୍ଷକ ସଂଘ ଆନୁକୁଲ୍ୟରେ ଏକ ବୈଠକ ରବିବାର ଅନୁଷ୍ଠିତ ହୋଇଥିଲା। ଏଥିରେ ସବୁ ବର୍ଗର ଶିକ୍ଷକ ଯୋଗଦେଇଥିଲେ ଏବଂ ସର୍ବସମ୍ମତି କ୍ରମେ ଜିଲାସ୍ତରୀୟ ଶିକ୍ଷକ ମିଳିତ ମଞ୍ଚ ଗଠନ କରିଥିଲେ। ଏହି ମଞ୍ଚ ଜରିଆରେ ଶିକ୍ଷକମାନଙ୍କ ପଦୋନ୍ନତି ପାଇଁ ଦାବି ଉପସ୍ଥାପନ ସହ ଶିକ୍ଷକମାନଙ୍କ ସୁରକ୍ଷା ଉପରେ ଗୁରୁତ୍ବ ଦେବ ବୋଲି ଆଲୋଚନା ହୋଇଥିଲା। ସରକାରଙ୍କ ପାଖରେ ଏନେଇ ଦାବି ଉପସ୍ଥାପନ କରାଯିବା ସହ ଶିକ୍ଷକ ମାନଙ୍କ ସମସ୍ୟାକୁ ଜିଲ୍ଲା ସ୍ତରରେ ସମାଧାନ କରିବା ପାଇଁ ସଂକଳ୍ପ ହୋଇଥିଲା। ଏଥିରେ ହରଭଙ୍ଗା ବ୍ଲକ ସଭାପତି ବିରଞ୍ଚି ନାରାୟଣ ପ୍ରଧାନ , କଣ୍ଟାମାଳ ବ୍ଲକ ସଭାପତି ନୀଳାଚଳ ଭୋଇ, ଜିଲ୍ଲା ସମ୍ପାଦକ ପ୍ରଦୀପ କୁମାର ମହାନ୍ତି, ଶିକ୍ଷକ ନେତା ଶମ୍ଭୂ ପ୍ରସାଦ ଗିରି, ଶିକ୍ଷକ ସାଧୁଚରଣ ଦେହୁରୀ,ରବି ନାରାୟଣ ପ୍ରଧାନଙ୍କ ସମେତ ଜିଲାର ପ୍ରାୟ ଦୁଇଶହରୁ ଉର୍ଦ୍ଧ୍ବ ଶିକ୍ଷକ ଯୋଗ ଦେଇଥିଲେ।
Comments are closed.