ଚିତ୍ରକୋଣ୍ଡା : ମାଓ ପ୍ରଭାବିତ ଅଞ୍ଚଳରେ ୧୮୭ କୋଟି ଟଙ୍କା ବ୍ୟୟରେ ନିର୍ମିତ ହୋଇଥିବା ବହୁ ପ୍ରତୀକ୍ଷିତ ଗୁରୁପ୍ରିୟା ସେତୁରେ ଫାଟ ସୃଷ୍ଟି ହୋଇଥିବା ଜଣାପଡିଛି। ମାଲକାନଗିରି ଜିଲାର ବିଚ୍ଛିନ୍ନାଞ୍ଚଳକୁ ସଂଯୋଗ କରୁଥିବା ଏହି ସେତୁର ୧୬ନମ୍ବର ପିଲାରର ଉପର ଗାର୍ଡର ଅଚଳ ହୋଇପଡିଛି। ଗାର୍ଡର ଏକ୍ସପାନସନ୍ ଜଏଣ୍ଟ ଏଙ୍ଗେଲ କାମ କରୁନାହିଁ। ସେତୁ ଉପରେ ଭାରିଯାନ ଚଳାଚଳ ଯୋଗୁଁ ଗାର୍ଡର ଅଚଳ ହୋଇପଡ଼ିଥିବା ଅନୁମାନ କରାଯାଉଛି। ପୂର୍ତ୍ତ(ପିଡବ୍ଲୁଡ଼ି) ବିଭାଗ ପକ୍ଷରୁ ଗୁରୁପ୍ରିୟା ସେତୁର ମରାମତି କାର୍ୟ୍ୟ ଆରମ୍ଭ ହୋଇଥିବା ସୂଚନା ମିଳିଛି।
ମାଲକାନଗିରି ଜିଲାର ବହୁ ପ୍ରତୀକ୍ଷିତ ଗୁରୁପ୍ରିୟା ସେତୁ ୨୦୧୮ଜୁଲାଇ ୨୬ରେ ନିର୍ମାଣ କରାଯାଇଥିଲା। ଏହାଦ୍ବାରା ବିଚ୍ଛିନ୍ନାଞ୍ଚଳକୁ ବାଟ ଫିଟିଥିଲା। ବିଛିନ୍ନାଞ୍ଚଳର ପ୍ରାୟ ୧୦ଟି ପଞ୍ଚାୟତକୁ ଏହି ସମ୍ପର୍କର ସେତୁ ଯୋଡିବା ସହ ଏହି ସେତୁ ଦ୍ୱାରା ବିଚ୍ଛିନ୍ନାଞ୍ଚଳର ୧୫୧ଟି ଗାଁର ୨୦ ହଜାରରୁ ଅଧିକ ଲୋକ ଉପକୃତ ହୋଇଥିଲେ। ଏହାର ଲମ୍ବ ୯୧୦ ମିଟର।
- Advertisement -
