ଓରିଙ୍ଗାବାଡି ହତ୍ୟା ଘଟଣା, ୩ ଗିରଫ

ଗୁରୁଡିଝାଟିଆ : ଗୋବରା ପଞ୍ଚାୟତ ଓରିଙ୍ଗାବାଡି ବିକ୍ରମ ଜେରାଇ ହତ୍ୟା କାଣ୍ଡ ମାମଲାରେ ଗୁରୁଡିଝାଟିଆ ପୁଲିସ ୩ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି।ଅଭିଯୁକ୍ତ ମାନେ ହେଲେ ଶଙ୍କର୍ଷଣ ଭୂତିଆ(୩୪)ଧନଞ୍ଜୟ ଦେହୁରୀ(୨୪) ଓ ସୁଶାନ୍ତ ବାରିକ(୪୦)ଅଟନ୍ତି। ଅଭିଯୁକ୍ତଙ୍କ ଘର ଗୋବରାରେ ବୋଲି ପୁଲିସ ସୂଚନା ଦେଇଛି।

ଉଲ୍ଲେଖଯୋଗ୍ୟ ଗତ ୧୬ ତାରିଖ ଦିନ ସାମାନ୍ୟ ବଚସାକୁ ନେଇ ଗିରଫ ଅଭିଯୁକ୍ତ ଓ ତାଙ୍କର ଅନ୍ୟ ସହଯୋଗୀମାନେ ମୃତ ବିକ୍ରମ, ଚୈତନ୍ୟ ଓ ରାମକୁ ମରଣାନ୍ତକ ଆକ୍ରମଣ କରିଥିଲେ। ଘର ପାଖରେ ପରିବାର ସଦସ୍ୟଙ୍କ ଆଖି ଆଗରେ ଆକ୍ରମଣ କରିଥିଲେ। ଯାହା ଫଳରେ ବିକ୍ରମର ମୃତ୍ୟୁ ହୋଇଥିବା ବେଳେ ଚୈତନ୍ୟ ଓ ରାମ ଗୁରୁତର ହୋଇ କଟକ ବଡ଼ ଡ଼ାକ୍ତରଖାନାରେ ଚିକିତ୍ସିତ ହୋଇଥିଲେ।

ଏହି ଘଟଣାରେ ମୃତ ବିକ୍ରମର ସ୍ତ୍ରୀ ସବିତା ଥାନା ରେ ଲିଖିତ ଅଭିଯୋଗ କରିବା ପରେ ଜିଲା ଆରକ୍ଷୀ ଅଧିକ୍ଷକ ପ୍ରତୀକ ସିଂହଙ୍କ ନିର୍ଦ୍ଦେଶ କ୍ରମେ ଅଭିଯୁକ୍ତଙ୍କୁ ଧରିବା ପାଇଁ ଉପଖଣ୍ଡ ଆରକ୍ଷୀ ଅଧିକ୍ଷକ ଉମାକାନ୍ତ ନାୟକଙ୍କ ନେତୃତ୍ଵରେ ବିଭିନ୍ନ ସ୍ଥାନ ରେ ଚଢାଉ କରାଯାଇ ୩ ଜଣ ଅଭିଯୁକ୍ତଙ୍କୁ ଗିରଫ କରାଯାଇଥିବା ବେଳେ ଅନ୍ୟ ୫ ଜଣଙ୍କୁ ଖୁବ୍ ଶୀଘ୍ର ଗିରଫ କରାଯିବ ବୋଲି ଏସଡିପିଓ ଶ୍ରୀ ନାୟକ ଗଣମାଧ୍ୟମକୁ କହିଛନ୍ତି।