ଗୁଣପୁର: ରାୟଗଡା ଜିଲା ଗୁଣପୁର ପୁରୁଣା ବସଷ୍ଟାଣ୍ଡ ନିକଟ ବାଘୁଆ ଦେଉଳ ସାହିରେ ତେଜରାତି ଦୋକାନର ଗୋଦାମ ଗୃହରେ ଅଗ୍ନିକାଣ୍ଡ ଘଟିଛି। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ୪ଜଣ ଶିଶୁଙ୍କୁ ଉଦ୍ଧାର ସହ ନିଆଁକୁ ଆୟତ୍ତ କରିଥିବା ସୂଚନା ମିଳିଛି।
ଗୁଣପୁର ପୁରୁଣା ବସଷ୍ଟାଣ୍ଡ ନିକଟ ବାଘୁଆ ଦେଉଳ ସାହିରେ ତେଜରାତି ଦୋକାନର ଗୋଦାମ ଗୃହରେ ନିଆଁ ଲାଗିଥିବା ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲେ। ଅଗ୍ନିଶମ ବିଭାଗର ଦୁଇଟି ଗାଡି ନିଆଁ ଲିଭା କାର୍ଯ୍ୟରେ ନିୟୋଜିତ ରହିଥିଲେ। ତେବେ ଗୋଦାମର ଉପର ମହଲାରେ ଭଡାରେ ଗୋଟିଏ ପରିବାର ୪ ଜଣ ରହିଥିଲେ। ଉପର ମହଲାକୁ ନିଆଁ ବ୍ୟାପୁଥିବାବେଳେ ଅତି ସତର୍କତାର ସହ ଅଗ୍ନିଶମ ବାହିନୀ ୪ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ ଏବଂ ସେମାନେ ମୃତ୍ୟୁ ମୁଖରୁ ବଞ୍ଚିଯାଇଥିଲେ।
ଗୁଣପୁର ଅଗ୍ନିଶମ ବାହିନୀର ଅଧିକାରୀ ରଜନୀକାନ୍ତ ଗଉଡ ଓ ପବତ୍ର ସିଂଙ୍କ ନେତୃତ୍ବରେ କର୍ମଚାରୀମାନେ ନିଆଁକୁ ଆୟତ୍ତ କରିଥିଲେ। ବିଦ୍ୟୁତ ସର୍ଟ ସର୍କିଟରୁ ନିଆଁ ଲାଗିଥିବା ସନ୍ଦେହ କରାଯାଉଛି।
Comments are closed.