ଗୁଣପୁର: ଗୁଣପୁର ଥାନା ଅନ୍ତର୍ଗତ ସୁଭଦ୍ରାପୁର ମୁଖ୍ୟ ରାସ୍ତାରେ ଗଛକୁ ପିଟିଲା ବାଇକ । ଦୁର୍ଘଟଣାରେ ଚାଲିଗଲା ବିଟେକ ଛାତ୍ରଙ୍କ ଜୀବନ। ମୃତ ଛାତ୍ର ଜଣକ ଭଞ୍ଜନଗର ଅଞ୍ଚଳର ପରେଶ ପାତ୍ର ଏବଂ ସେ ଗୁଣପୁର ଗାନ୍ଧୀ ଯାନ୍ତ୍ରିକ ବିଶ୍ୱବିଦ୍ୟାଳୟର କମ୍ପୁଟର ସାଇନ୍ସ ବିଭାଗର ଶେଷ ବର୍ଷର ଛାତ୍ର ବୋଲି ଜଣାପଡ଼ିଛି।
ମୃତ ଛାତ୍ର ଜଣକ ଆଜି କଲେଜରେ ପ୍ରୋଜେକ୍ଟ ହସ୍ତାନ୍ତର କରି ଭଞ୍ଜନଗର ଅଭିମୁଖେ ବାଇକରେ ଯିବା ସମୟରେ ସୁଭଦ୍ରାପୁର ମୁଖ୍ୟ ରାସ୍ତାରେ ଏକ ଗଛରେ ପିଟି ହୋଇ ଗୁରୁତର ହୋଇ ଯାଇଥିଲେ। ଗୁରୁତର ଅବସ୍ଥାରେ ତାଙ୍କୁ ଦୁର୍ଘଟଣାସ୍ଥଳରୁ ୧୦୮ ଆମ୍ବୁଲାନ୍ସ ଯୋଗେ ଉଦ୍ଧାର ପରେ ଗୁଣପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ।
- Advertisement -
ଗୁଣପୁର ପୁଲିସ ଚିକିତ୍ସାଳୟରେ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଆରମ୍ଭ କରିଛି । ଅକାଳରେ ଛାତ୍ରଙ୍କ ଜୀବନ ଦୀପ ଲିଭିଯାଇଥିବାରୁ ସହପାଠୀ ଏବଂ କଲେଜ କର୍ତ୍ତୃପକ୍ଷଙ୍କ ମଧ୍ୟରେ ଶୋକାକୂଳ ପରିବେଶ ସୃଷ୍ଟି ହୋଇଛି।
