୨୩ ଯାତ୍ରୀଙ୍କୁ ଗାଡ଼ିରୁ ଓହ୍ଲାଇ ଗୁଳି କଲେ ଆତଙ୍କୀ, ସାମ୍ନାକୁ ଆସିଲା ଛାତିଥରା ଦୃଶ୍ୟ

ସମାଜ ଡିଜିଟାଲ ଡେସ୍କ: ଯାତ୍ରୀମାନଙ୍କୁ ଗାଡ଼ିରୁ ଓହ୍ଲାଇଦେବା ପରେ ସେମାନଙ୍କୁ ଗୁଳି କରି ହତ୍ୟା କରିଛନ୍ତି ଆତଙ୍କୀ। ପାକିସ୍ତାନର ବେଲୁଚିସ୍ତାନ ପ୍ରଦେଶ ଅନ୍ତର୍ଗତ ମୁସାଖୈଲ ଜିଲାରେ ଏଭଳି ହିଂସାକାଣ୍ଡ ଘଟିଛି। ଆତଙ୍କୀମାନେ ବସ, ଟ୍ରକ ଏବଂ ଅନ୍ୟାନ୍ୟ ଗାଡ଼ିରୁ ଜଣ ଜଣ କରି ଯାତ୍ରୀଙ୍କୁ ଓହ୍ଲାଇ ସେମାନଙ୍କ ପରିଚୟ ଯାଞ୍ଚ କରିବା ପରେ ଗୁଳି କରି ହତ୍ୟା କରିଛନ୍ତି। ଏହା ପରେ ଘଟଣାସ୍ଥଳରୁ ଚାଲିଯିବା ଆଗରୁ ୧୦ଟି ଗାଡ଼ିରେ ନିଆଁ ଲଗାଇ ଜାଳି ଦେଇଛନ୍ତି। ସମସ୍ତ ନିହତ ପଞ୍ଜାବ ପ୍ରଦେଶର ବୋଲି ଜଣାପଡ଼ିଛି। ସେମାନେ କ୍ଵେଟାରୁ ଫୈସଲାବାଦ ଯାଉଥିଲେ।

At least 23 people from Punjab have been killed in Balochistan’s Musakhel district after BLA terrorists offloaded passengers from trucks and buses and shot at them after checking their identities : Security forces

Operation against terrorist still continues in #Balochistan. pic.twitter.com/PAaOCkoWNR

— Malik Ali Raza (@MalikAliiRaza) August 26, 2024

ମୁସାଖୈଲର ଆସିଷ୍ଟାଣ୍ଟ ପୁଲିସ କମିଶନର ନଜୀବ କକର କହିଛନ୍ତି ଯେ, ସଶସ୍ତ୍ର ଆତଙ୍କୀମାନେ ରାଜ୍ୟ ରାଜପଥକୁ ଅବରୋଧ କରି ଗାଡ଼ିମୋଟର ଯାଞ୍ଚ କରିଥିଲେ। ଏହା ପରେ ଏପରି ହିଂସା ଘଟାଇଛନ୍ତି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି। ଘଟଣାସ୍ଥଳରୁ ଭୟଙ୍କର ଦୃଶ୍ୟର ଭିଡିଓ ସାମାଜିକ ଗଣମାଧ୍ୟମରେ ପ୍ରଘଟ ହେଉଛି।