ଭୁବନେଶ୍ୱର: ଆଜି ହେଉଛି ଗୁଡ୍ ଫ୍ରାଇଡେ । ଏହି ଅବସରରେ ବିଭିନ୍ନ ଚର୍ଚ୍ଚ ଗୁଡିକରେ ସାମୂହିକ ପ୍ରାର୍ଥନାର ଆୟୋଜନ ହୋଇଛି । ଚର୍ଚ୍ଚ ଗୁଡିକରେ ଦିନତମାମ ସାମୂହିକ ପ୍ରାର୍ଥନାରେ ସାମିଲ ହେବାକୁ ଖ୍ରୀଷ୍ଟ ଧର୍ମାବଲମ୍ବୀଙ୍କ ଭିଡ ଲାଗି ରହିଛି । ଖ୍ରୀଷ୍ଟ ଧର୍ମାବଲମ୍ବୀ ଏହି ଦିନଟିକୁ ବଡ ଧୁମଧାମରେ ଦେଶବ୍ୟାପୀ ପାଳନ କରୁଛନ୍ତି । ଏହି ଦିନରେ ମାନବ ସମାଜର ମଙ୍ଗଳ ପାଇଁ ଯୀଶୁ ଖ୍ରୀଷ୍ଟ ନିଜକୁ ସମର୍ପିତ କରି ଦେଇଥିଲେ । ଶାନ୍ତି ପ୍ରତିଷ୍ଠା କରିବାକୁ ନିଜେ କ୍ରୁସବିଦ୍ଧ ହୋଇ ମହାପୁରୁଷ ଯୀଶୁ ନିଜ ଜୀବନକୁ ବଳିଦାନ ଦେଇଥିବାରୁ ଏହି ଦିନକୁ ପବିତ୍ର ଶୁକ୍ରବାର ବା ଗୁଡ୍ ଫ୍ରାଇଡେ ଭାବେ ପାଳନ କରାଯାଉଛି ।
