ନୂଆଦିଲ୍ଲୀ – ଆଣ୍ଡ୍ରଏଡ୍ ଫୋନ୍କୁ ନେଇ ସରକାରଙ୍କ ପକ୍ଷରୁ ଏକ ଚେତାବନୀ ଜାରି କରାଯାଇଛି । ଇଣ୍ଡିଆନ୍ କମ୍ପ୍ୟୁଟର ଏମରଜେନ୍ସି ରେସପନ୍ସ ଟିମ୍ ପକ୍ଷରୁ ଆଣ୍ଡ୍ରଏଡ୍ ଫୋନ୍ରେ ଅନେକ ସୁରକ୍ଷା ତ୍ରୁଟି ବିଷୟରେ ସୂଚନା ଦିଆଯାଇଛି । ଆଣ୍ଡ୍ରଏଡ୍ର ୧୧,୧୨,୧୨ ଏଲ୍,୧୩ ଏବଂ ୧୪ରେ ଅନେକ ସୁରକ୍ଷା ତ୍ରୁଟି ଦେଖାଯାଉଥିବା କୁହାଯାଇଛି ।
ଭାରତ ସରକାରଙ୍କ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଦ୍ୟୋଗିକ ମନ୍ତ୍ରାଳୟ ଅଧିନରେ କାର୍ଯ୍ୟ କରୁଥିବା ସାଇବର ସୁରକ୍ଷା ସଂସ୍ଥା ପକ୍ଷରୁ ଏହି ଚେତାବନୀ ଦିଆଯାଇଛି । ଏହି ଫୋନ୍ମାନଙ୍କରେ ସାଇବର୍ ଆଟାକ ହେବା ସହ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ (ବ୍ୟାଙ୍କ ତଥ୍ୟ ମଧ୍ୟ ସାମିଲ) ଚୋରି କରାଯାଉଥିବା ସୂଚନା ଦିଆଯାଇଛି ।
ଆଣ୍ଡ୍ରଏଡ୍ ଫୋନ୍ର ଫ୍ରେମ୍ଓ୍ୱାର୍କ, ଗୁଗୁଲ ପ୍ଲେ ସିଷ୍ଟମ ଅପ୍ଡେଟ୍, କେରନେଲ୍ ଏଲ୍ଟିଏସ୍, ଆର୍ମ କମ୍ପୋନେଣ୍ଟସ୍ , ସିଷ୍ଟମ, ମିଡିଆଟେକ୍ କମ୍ପୋନେଣ୍ଟସ୍, କ୍ୱାଲକମ୍ କମ୍ପୋନେଣ୍ଟସ୍ ରେ ଅନେକ ତ୍ରୁଟି ପରିଲକ୍ଷିତ ହେଉଥିବା ଇଣ୍ଡିଆନ୍ କମ୍ପ୍ୟୁଟର ଏମରଜେନ୍ସି ରେସପନ୍ସ ଟିମ୍ ପକ୍ଷରୁ କୁହାଯାଇଛି । ଗୁଗୁଲ୍ ପକ୍ଷରୁ ମଧ୍ୟ ଏହାକୁ ସମର୍ଥନ କରାଯାଇଛି । ଇଣ୍ଡିଆନ୍ କମ୍ପ୍ୟୁଟର ଏମରଜେନ୍ସି ରେସପନ୍ସ ଟିମ୍ ପକ୍ଷରୁ ଦିଆଯାଇଥିବା ଚେତାବନୀ ସତ ବୋଲି ଗୁଗୁଲ୍ କହିଛି । ଏଥିପାଇଁ ଗୁଗୁଲ୍ ପକ୍ଷରୁ ସିକ୍ୟୁରିଟି ଅପଡେଟ୍ ଉପଲବ୍ଧ କରାଯାଉଛି ।
ଓଡ଼ିଶା ରାଜ୍ୟ ଏଡ଼ସ୍ ନିୟନ୍ତ୍ରଣ ସମିତି ଦ୍ୱାରା ରାଜ୍ୟସ୍ତରୀୟ ନାଟକ ପ୍ରତିଯୋଗୀତାhttps://t.co/oznpYQi7ke#Abhivyakti #YouthFest2023_24 #Bhubaneswar #Odisha #samajalive pic.twitter.com/RrELxiioYu
— Samaja Live (@samajalive) November 14, 2023
ଆପଣଙ୍କ ସେଟିଂକୁ ଯାଇ ଏହାକୁ ଅପ୍ଡେଟ୍ କରିବା ପାଇଁ ଇଣ୍ଡିଆନ୍ କମ୍ପ୍ୟୁଟର ଏମରଜେନ୍ସି ରେସପନ୍ସ ଟିମ୍ ପକ୍ଷରୁ ସୂଚନା ଦିଆଯାଇଛି । ଫୋନ୍ ସେଟିଂରେ ଅପଡେଟ୍ କରିବା ପାଇଁ କୁହାଯାଇଛି । ଗୁଗୁଲ୍ ଦ୍ୱାରା ଉପଲବ୍ଧ କରାଯାଉଥିବା ସିକ୍ୟୁରିଟି ଅପଡେଟ୍ ପରେ ଏହି ସମସ୍ୟା ଅନେକ ପରିମାଣରେ ସମାଧାନ ହେବା ବୋଲି କୁହାଯାଇଛି ।
