ସୀମାନ୍ତରେ ୪୭ଟି ଅତିରିକ୍ତ ଘାଟି ସ୍ଥାପନ କରିବ ଆଇଟିବିପି

ଦେଶର ସୀମାନ୍ତ ଇଲାକାରେ ପହରା କାର୍ଯ୍ୟରେ ଉନ୍ନତି ଆଣିବା ସକାଶେ ଆଉ ଅତିରିକ୍ତ ୪୭ଟି ସୀମାନ୍ତ ଘାଟି ସ୍ଥାପନ କରିବାକୁ ଭାରତ-ତିବ୍ଦତ ସୀମାନ୍ତ ପୋଲିସ୍‍-ଆଇଟିବିପିକୁ ସମ୍ମତି ପ୍ରଦାନ କରିଛନ୍ତି ସରକାର। ସ୍ୱରାଷ୍ଟ୍ର ବିଭାଗ ରାଷ୍ଟ୍ରମନ୍ତ୍ରୀ ଜି.କିଷନରେଡ୍ଡୀ ଭାରତ-ତିବ୍ଦତ ସୀମାନ୍ତ ପୋଲିସର ୫୯ତମ ପ୍ରତିଷ୍ଠା ଦିବସ ଅବସରରେ ଉଦବୋଧନ ଦେଇ ଏହା କହିଛନ୍ତି। ସେ କହିଛନ୍ତି, ସରକାର ଆଇଟିବିପିକୁ ଅଧିକ ଶକ୍ତିଶାଳୀ କରିବା ଦିଗରେ ଅନେକ ପଦକ୍ଷେପ ଗ୍ରହଣ କରିଛନ୍ତି। ଆଇଟିବିପି ସୀମାର ସୁରକ୍ଷା କରିବା ସହିତ ଜାମ୍ମୁ କାଶ୍ମୀରରେ ଆତଙ୍କବାଦ ଓ ଛତିଶଗଡ଼ରେ ନକ୍ସଲବାଦ ବିରୁଦ୍ଧରେ ମଧ୍ୟ ସଂଗ୍ରାମ କରୁଛି ଏବଂ ବିଦେଶର ଶାନ୍ତିରକ୍ଷା ମିଶନଗୁଡ଼ିକୁ ସୈନ୍ୟ ପଠାଉଛି।

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ସମସ୍ତ ଆଇଟିବିପି କର୍ମଚାରୀ ଏବଂ ସେମାନଙ୍କ ପରିବାରକୁ ୫୯ତମ ପ୍ରତିଷ୍ଠା ଦିବସ ଅବସରରେ ଶୁଭେଚ୍ଛା ଜଣାଇଛନ୍ତି। ଶ୍ରୀ ସିଂ ଏକ ଟୁଇଟ୍ କରି କହିଛନ୍ତି ଯେ ଆଇଟିବିପି ହେଉଛି ଏକ ଅସାଧାରଣ ଶକ୍ତି ଯାହା ସୀମାକୁ ସୁରକ୍ଷିତ ରଖିଛି। ସେ କହିଛନ୍ତି, ଆଇଟିବିପି ଏହାର ଦୃଢ଼ତା, ସ୍ଥିରତା ଏବଂ ସାହସ ପାଇଁ ଜଣାଶୁଣା।

Greetings and warm wishes to all @ITBP_official personnel and their families on the 59th Raising Day.

The ITBP is an extraordinary force which is keeping our borders safe.
The force is known for its fortitude, perseverance and courage. I salute their services to the nation.

— Rajnath Singh (@rajnathsingh) October 24, 2020