ବ୍ରହ୍ମପୁର: ଗୋପାଳପୁର ବନ୍ଦରରେ ଦୁର୍ଘଟଣା ଘଟି କାର୍ୟ୍ୟରତ ଜଣେ ଶ୍ରମିକ ପ୍ରାଣ ହରାଇଛନ୍ତି । ମୃତକ ହେଉଛନ୍ତି ନିକଟସ୍ଥ ବଡ ଅର୍ୟ୍ୟପଲ୍ଲୀ ଗାଁର ପି ଗୋପାଳଙ୍କ ପୁଅ ପି ରାଜୁ । ଗତ ବିଳମ୍ବିତ ରାତିରେ ବନ୍ଦରରେ ଏସ୍କଭେଟର ଓଲଟି ପଡିବା ଫଳରେ ହେଲ୍ପରର ଘଟଣା ସ୍ଥଳରେ ମୃତ୍ୟୁ ଘଟିଛି । ବନ୍ଦର କର୍ତ୍ତୃପକ୍ଷଙ୍କ ପକ୍ଷରୁ ମୃତ ଶ୍ରମିକ ପି ରାଜୁଙ୍କ ପରିବାରକୁ ୧୦ଲକ୍ଷ ଟଙ୍କା କ୍ଷତିପୂରଣ ଅର୍ଥ ଦେବାକୁ ପ୍ରତିଶ୍ରୁତି ମିଳିଥିବା ବେଳେ ବର୍ତ୍ତମାନ ଏକ ଲକ୍ଷ ଟଙ୍କା ପ୍ରଦାନ କରାଯାଇଥିବା ନେଇ ସୂଚନା ରହିଛି । ମୃତକଙ୍କ ପରିବାରର ଜଣେ ସଦସ୍ୟଙ୍କୁ ନିଯୁକ୍ତି ଦେବାକୁ ଶ୍ରମିକ ସଂଗଠନ ଗୁଡ଼ିକ ପକ୍ଷରୁ ଦାବି କରାଯାଇଛି ।
