ଗୋପାଳପୁର : ଗୋପାଳପୁର ଥାନା ପୁଲିସ ଗୋପାଳପୁର ଏବଂ ଛତ୍ରପୁର ଥାନା ଇଲାକାରୁ ଚୋରି ଯାଇଥିବା ୨ଟି ମୋଟରସାଇକେଲ ଜବତ ସମେତ କରିବା ସହ ମୋଟରସାଇକେଲ ଚୋରକୁ ଗିରଫ କରିବାରେ ସକ୍ଷମ ହୋଇଛି । ଗିରଫ ଯୁବକ ଜଣକ ଗୋପାଳପୁର ଥାନା ଅନ୍ତର୍ଗତ ନାରାୟଣପୁର ପାଣି ପମ୍ପ ସନ୍ନିକଟ ଅଞ୍ଚଳର ଶ୍ରୀଧର ବେହେରା (୨୯ ) ବୋଲି ପୁଲିସ ସୂଚନା ଦେଇଛି । ଥାନା ଆଇଆଇସି ବିବେକାନନ୍ଦ ସ୍ବାଇଁ ଓ କିଛି କର୍ମଚାରୀ ସୋମବାର ନାରାୟଣପୁର ଛକ ଠାରେ ପାଟ୍ରୋଲିଂ କରୁଥିବା ସମୟରେ ଆଇଆରଇ ପଟୁ ଶ୍ରୀଧର ଏକ ମୋଟରସାଇକେଲ ସହ ଦୃତ ଗ୍ରତିରେ ଆସୁଥିବା ବେଳେ ପୁଲିସକୁ ଦେଖି କରାପଲ୍ଲୀ ପଟକୁ ଚାଲି ଯାଇଥିଲା । ପୁଲିସ ତା’ର ପିଛା କରି କରାପଲ୍ଲୀ ରାସ୍ତା ରେ ଶ୍ରୀଧରକୁ କାବୁ କରିବା ସହ ମୋଟରସାଇକେଲକୁ ଜବତ କରି ତଦନ୍ତ କରିଥିଲେ। ତଦନ୍ତ ସମୟରେ ଧରା ପଡ଼ିଥିବା ମୋଟରସାଇକେଲଟିକୁ ଗତ ଅଗଷ୍ଟ ୧୦ ତାରିଖରେ ଡୁରା କଳିଙ୍ଗ ବିହାର ଫେଜ ୧ ରୁ କେ ଚାନ୍ଦ୍ରେୟାଙ୍କ ବାସଭବନ ସମ୍ମୁଖରେ ଚୋରି କରିଥିବା ସ୍ବୀକାର କରିବା ସହ ଅନ୍ୟ ଏକ ମୋଟରସାଇକେଲକୁ ପୁତି ଗୋପାଳପୁର ଜାତୀୟ ରାଜପଥ ଛକରୁ ଚୋରି କରିଥିବା ସ୍ବୀକାର କରିଥିଲା। ଏହା ନେଇ ଚାନ୍ଦ୍ରେୟାଙ୍କ ପକ୍ଷରୁ ହୋଇଥିବା ଅଭିଯୋଗ ପ୍ରକାରେ ଛତ୍ରପୁର ଥାନାରେ ହୋଇଥିବା ମାମଲା ରୁଜୁ ହୋଇଥିଲା। ଆଜି ଅଭିଯୁକ୍ତ ଶ୍ରୀଧରକୁ କୋର୍ଟ ଚାଲାଣ କରାଯାଇଥିବା ପୁଲିସ ସୂଚନା ଦେଇଛି।
Popular Categories
Previous article
Next article