ଗୋପାଳପୁର : ବର୍ଷ ର ଶେଷ ଦିନରେ ଗୋପାଳପୁର ବେଳାଭୂମି ଲୋକାରଣ୍ୟ ହୋଇଉଠୁଥିଲା ବେଳେ ପ୍ରଶାସନିକ କଟକଣା ଯୋଗୁଁ ବେଳାଭୂମି ପରିସର ଖାଁ ଖାଁ ରହିଥିବା ଦେଖିବାକୁ ମିଳିଛି। ଗଂଜାମ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଗୋପାଳପୁର ବେଳାଭୂମିରେ ୩୧ ଓ ଜାନୁଆରୀ ୧ ରେ ପର୍ଯ୍ୟଟକ ଓ ସ୍ଥାନୀୟ ଲୋକଙ୍କୁ ବେଳାଭୂମି ବୁଲିବାକୁ ଯିବାକୁ ସମ୍ପୂର୍ଣ୍ଣ ବାରଣ କରାଯାଇଥିବା ସହ କଡ଼ା କଡି ପୁଲିସ ପଇଁତରା ରହିଥିବା ଦେଖିବାକୁ ମିଳିଛି । ଏନେଇ ଆଜି ଭୋର ସକାଳୁ ସ୍ଥାନୀୟ ପୁଲିସ ପକ୍ଷରୁ ଯାଞ୍ଚ କଡ଼ାକଡ଼ି କରାଯିବା ସହ ଗୋପାଳପୁର କଲେଜ ଛକ ଠାରେ ପୁଲିସ୍ ମୁତୟନ ହୋଇ ଯାନ ବାହନ ଓ ଚଲା ପର୍ଯ୍ୟଟକଙ୍କୁ ଗୋପାଳପୁର ପ୍ରବେଶ ରେବାରଣ କରାଯାଇଛି। ସ୍ଥାନୀୟ ଲୋକେ ଏବଂ ହୋଟେଲରେ ରହୁଥିବା ପର୍ଯ୍ୟଟକମାନେ ନିଜ ନିଜ ପରିଚୟ ପତ୍ର ଦେଖାଇ ଯାଉଥିବା ଦେଖିବାକ ମିଳିଛି। ଏନଏସି ପକ୍ଷରୁ ଶାନ୍ତି ଶୃଂଖଳା ରକ୍ଷା ପାଇଁ କର୍ମଚାରୀ ନିୟୋଜିତ କରଯଇଛି ବୋଲି କାର୍ଯ୍ୟ ନିର୍ବାହୀ ଅଧିକାରୀ ଉମା ଶଙ୍କର ସେଠୀ କହିଛନ୍ତି। ବେଳାଭୂମିରେ ପୁଲିସ୍ ମୁତୟନ ହେବା ସହ ପେଟ୍ରୋଲଂ କଡ଼ାକଡ଼ି କରାଯାଉଥିବା ସହ ସମସ୍ତ ହୋଟେଲ ଯାଞ୍ଚ କରାଯାଉଥିବା ଥାନା ଅଧିକାରୀ ବିବେକା ନନ୍ଦ ମହନ୍ତ କହିଛନ୍ତି। ଏଥିପାଇଁ ୬ ସେକ୍ସନ ପୁଲିସ୍ ଫୋର୍ସ ମୃତୟନ କରଯଇଛି । ଯାଞ୍ଚ ବେଳେ ଥାନା ଅଧିକାରୀ ସମେତ ଏସଆଇ ହେମକାନ୍ତି ଛତ୍ରିଆ, ଏସଆଇ ମହେନ୍ଦ୍ର ବେହେରା, ହାବିଲଦାର ଅଜୟ କୁମାର ଶତପଥୀ, କେ. ମଧୁ, ଆନିସ ଖାନ୍ ପ୍ରମୁଖ ସାମିଲ ରହିଥିଲେ।
