ନୂଆଦିଲ୍ଲୀ : ଯଦି ଆପଣ ଅନଲାଇନ୍ ପୈଠ ପାଇଁ ଗୁଗଲ ପେ ଆପ୍ ବ୍ୟବହାର କରୁଛନ୍ତି ତେବେ ଆପଣଙ୍କ ପାଇଁ ଖୁସିଖବର ଆସିଛି । ଗୁଗଲ ପେ ନିକଟରେ ଅନେକ ନୂଆ ଫିଚର ନେଇଆସିଛି । ଏହା ଆପଣଙ୍କ ପୈଠ ପ୍ରକ୍ରିୟାକୁ ଅଧିକ ସରଳ କରିବ । ଏହି ନୂଆ ଫିଚର ମଧ୍ୟରୁ ଗୋଟିଏ ହେଉଛି ୟୁପିଆଇ ସର୍କଲ ଫିଚର । ଯେଉଁମାନେ ବ୍ୟାଙ୍କ ଆକାଉଣ୍ଟ ସହ ୟୁପିଆଇ ଏପର୍ଯ୍ୟନ୍ତ ଲିଙ୍କ୍ କରିନାହାଁନ୍ତି ସେମାନଙ୍କପାଇଁ ୟୁପିଆଇ ସର୍କଲ ଲାଭଦାୟକ ସାବ୍ୟସ୍ତ ହେବ । ୟୁପିଆଇ ସର୍କଲ ସାହାଯ୍ୟରେ ଆପଣ ନିଜ ପରିବାର ଏବଂ ସାଙ୍ଗମାନଙ୍କୁ ନିଜ ଗୁଗଲ ପେ ଆକାଉଣ୍ଟରୁ ପୈଠ କରିପାରିବେ ।
ଏହି ସୁବିଧା ସାହାଯ୍ୟରେ ଆପଣଙ୍କୁ ପେମେଣ୍ଟ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ମିଳିଥାଏ । ଏଥିରେ ଆପଣ ପ୍ରତି ପୈଠ ପାଇଁ ନିଜେ ମଞ୍ଜୁରି ଦେଇପାରିବେ । ଏହାକୁ ଚାଲୁ କରିବା ପାଇଁ ଆପଣଙ୍କ ପାଖରେ ଗୁଗଲ ପେ ୟୁପିଆଇ ଆକାଉଣ୍ଟ ଥିବା ଉଚିତ୍ । ଆପଣ ଯେଉଁ ବ୍ୟକ୍ତିଙ୍କୁ ପେମେଣ୍ଟ କରିବା ପାଇଁ ଅନୁମତି ଦେବାକୁ ଚାହୁଁଛନ୍ତି ତାଙ୍କ ପାଖରେ ମଧ୍ୟ ୟୁପିଆଇ ଆଇଡି ଥିବା ଉଚିତ୍ । ଉଭୟ ଫୋନରେ ଗୁଗଲ ପେ ଆପ୍ ଥିବା ଉଚିତ୍ ।
ଯେଉଁ ବ୍ୟକ୍ତିଙ୍କୁ ଆପଣ ପୈଠ କରିବାକୁ ଅନୁମତି ଦେଉଛନ୍ତି ତାଙ୍କୁ କ୍ୟୁଆର ସ୍କାନ୍ କରି ପେମେଣ୍ଟର ସୂଚନା ଭରିବାକୁ ହେବ । ଯଦି ଆପଣ ପ୍ରତି ଥର ଅନୁମତି ବିଶିଷ୍ଟ ବିକଳ୍ପ ଚୟନ କରିବେ ତେବେ ପୈଠ କରିବା ପୂର୍ବରୁ ଆପଣଙ୍କୁ ତାକୁ ଆପ୍ରୁଭ୍ କରିବାକୁ ହେବ । ସମ୍ପୂର୍ଣ୍ଣ ଅନୁମତି ବିଶିଷ୍ଟ ବିକଳ୍ପରେ ପ୍ରତି ମାସରେ ୧୫ ହଜାର ପର୍ଯ୍ୟନ୍ତ ପୈଠ ପାଇଁ ଅନୁମତି ଦରକାର ପଡିବନି ।
Comments are closed.