ବଢିଲା ସୁନା-ରୂପା ଦାମ୍, ବର୍ଷ ଶେଷ ସୁଦ୍ଧା ଭାଙ୍ଗିବ ରେକର୍ଡ

ନୂଆଦିଲ୍ଲୀ : ସୁନା ଆଜି ପୁଣି ନିଜ ସର୍ବୋଚ୍ଚ ଦରରେ ପହଞ୍ଚିଛି । ପ୍ରତି ୧୦ ଗ୍ରାମ ସୁନା ଦାମ୍ ୫୭୨ ଟଙ୍କା ମହଙ୍ଗା ହୋଇ ୬୯,୯୩୬ ଟଙ୍କା ହୋଇଯାଇଛି । ଚଳିତ ବର୍ଷ ଏପର୍ଯ୍ୟନ୍ତ କେବଳ ୩ ମାସରେ ହିଁ ସୁନା ଦାମ୍ ୬୬୩୪ ଟଙ୍କା ବଢିସାରିଛି । ୧ ଜାନୁୟାରୀରେ ସୁନା ଦାମ୍ ୬୩,୩୦୨ ଟଙ୍କା ପ୍ରତି ୧୦ ଗ୍ରାମ ଥିଲା ।

ରୂପା ମଧ୍ୟ ଆଜି ନିଜ ଅଲ ଟାଇମ୍ ହାଇରେ ପହଞ୍ଚିଛି । ରୂପା ଦାମ୍ ୧୪୬୯ ଟଙ୍କା ମହଙ୍ଗା ହୋଇ ୭୯,୦୬୩ ଟଙ୍କା ପ୍ରତି କିଲୋରେ ପହଞ୍ଚିଛି । ଦିନେ ପୂର୍ବରୁ ଏହା ୭୭,୫୯୪ ଟଙ୍କା ଥିଲା । ରୂପା ଦାମ୍ ଗତ ବର୍ଷ ଡିସେମ୍ବରରେ ୭୭,୦୭୩ ଟଙ୍କା ରହିଥିଲା ।

ଲଗାତର ବଢୁଛନ୍ତି ଉପଭୋକ୍ତା, ଚଳିତ ଆର୍ଥିକ ବର୍ଷରେ ରେକର୍ଡ କଲା ୟୁପିଆଇ ନେଣଦେଣ

ବଜାର ବିଶେଷଜ୍ଞଙ୍କ ଅନୁସାରେ ଆଗାମୀ ଦିନରେ ସୁନା ଦାମ୍ ବଢିପାରେ । ଏଥିଯୋଗୁଁ ଚଳିତ ବର୍ଷ ଶେଷ ସୁଦ୍ଧା ସୁନା ୭୫ ହଜାର ଟଙ୍କା ପ୍ରତି ୧୦ ଗ୍ରାମ ପର୍ଯ୍ୟନ୍ତ ଯାଇପାରେ । ରୂପା ଦାମ୍ ମଧ୍ୟ ୮୫ ହଜାର ଟଙ୍କା ପ୍ରତି କିଲୋଗ୍ରାମ ପର୍ଯ୍ୟନ୍ତ ପହଞ୍ଚିପାରେ ।