ନୂଆଦିଲ୍ଲୀ : ଭାରତରେ ୟୁନିଫାଇଡ୍ ପେମେଣ୍ଟ ଇଣ୍ଟରଫେସ୍(ୟୁପିଆଇ) ନେଣଦେଣ ଗତ ଆର୍ଥିକ ବର୍ଷ ତୁଳନାରେ ବୃଦ୍ଧି ପାଇଛି । ମାର୍ଚ୍ଚ ୨୦୨୪ରେ ମଧ୍ୟ ମାର୍ଚ୍ଚ ୨୦୨୩ ତୁଳନାରେ ନେଣଦେଣ ମାତ୍ରା ୫୫ ପ୍ରତିଶତ ବୃଦ୍ଧି ପାଇ ୧୩.୪୪ ବିଲିୟନ୍ ଏବଂ ମୂଲ୍ୟ ୪୦ ପ୍ରତିଶତ ବୃଦ୍ଧି ପାଇ ୧୯.୭୮ ଟ୍ରିଲିୟନ୍ ଟଙ୍କା ହୋଇଛି । ପ୍ରଥମ ଥର ପାଇଁ ୟୁପିଆଇ ନେଣଦେଣ ୧୦୦ ବିଲିୟନ୍ ପାର୍ କରିଛି ଏବଂ ଆର୍ଥିକ ବର୍ଷରେ ୧୩୧ ବିଲିୟନରେ ବନ୍ଦ ହୋଇଛି । ୨୦୨୨-୨୩ ରେ ଏହା ୮୪ ବିଲିୟନ୍ ଥିଲା ।
ଗତ ମାସରେ ଭାରତୀୟ ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ କହିଥିଲେ କି ଭାରତରେ ବିଶ୍ବର ପ୍ରାୟ ୪୬ ପ୍ରତିଶତ ଲୋକ ଡିଜିଟାଲ ନେଣଦେଣ କରୁଛନ୍ତି । ଏସବୁର ଶ୍ରେୟ ଯାଉଛି ୟୁପିଆଇକୁ । ସେ ଗତ ମାସରେ କହିଥିଲେ କି ଡିଜିଟାଲ ପୈଠରେ ୟୁପିଆଇର ଭାଗିଦାରୀ ୨୦୨୩ରେ ୮୦ ପ୍ରତିଶତ ପାଖାପାଖି ପହଞ୍ଚିଯାଇଛି ।
ୟୁପିଆଇକୁ ପ୍ରୋତ୍ସାହନ ଦେବା ପାଇଁ ଏନପିସିଆଇ ଏବଂ ସରକାର ଅନେକ ପଦକ୍ଷେପ ଉଠାଇଛନ୍ତି । ୟୁପିଆଇର କାର୍ଯ୍ୟକାରିତାକୁ ଅଧିକ ସହଜ ସରଳ କରିବାପାଇଁ ଏନପିସିଆଇ ଅନେକ ନୂଆ ସୁବିଧା ଧିରେ ଧିରେ ଯୋଡୁଛି । ଏଥିରେ ୟୁପିଆଇ ଲାଇଟ୍, ୟୁପିଆଇରେ କ୍ରେଡିଟ୍ ଲାଇନ୍ ଆଦି ଅନେକ ଆପର ବଜାର ପ୍ରବେଶ କରାଯାଇଛି । ଏନପିସିଆଇ ୟୁପିଆଇକୁ ବୈଶିକ ସ୍ତରକୁ ନେଇଯିବା ପାଇଁ ନେପାଳ, ଫ୍ରାନ୍ସ, ଶ୍ରୀଲଙ୍କା, ସିଙ୍ଗାପୁର, ୟୁଏଇ ସମେତ ଅନେକ ଦେଶ ସହିତ ଚୁକ୍ତିରେ ହସ୍ତାକ୍ଷର କରିଛି ।
Comments are closed.