ଗଞ୍ଜାମ ସହର ମୁଖ୍ୟ ରାସ୍ତାରେ ବୁଲା ଗାଈ ଗୋରୁଙ୍କ ଉପଦ୍ରଵ
![](https://samajalive.in/wp-content/uploads/2024/04/056.jpg)
ଗଞ୍ଜାମ : ଗଞ୍ଜାମ ସହରରେ ପ୍ରତ୍ୟେକ ଦିନ ସନ୍ଧ୍ୟାରେ ବୁଲା ଗାଈ ଗୋରୁଙ୍କ ଉପଦ୍ରଵ ଅଧିକ ମାତ୍ରରେ ଦେଖିବାକୁ ମିଳିଛି। ଫଳରେ ସାଧାରଣ ଲୋକ ମାନେ ସନ୍ଧ୍ୟାରେ ଯାତାୟତ ବେଳେ ଘୋର ଅସୁବିଧା ସମ୍ମୁଖୀନ ହେଉଛନ୍ତି। ଏହି ଅସୁବିଧା ପାଇଁ ବିଭିନ୍ନ ସମୟରେ ଛୋଟ ବଡ଼ ଦୁର୍ଘଟଣା ମାନ ଘଟୁଥିବା ଦେଖିବାକୁ ମିଳୁଛି। ଯାହାକୁ ନେଇ ସାଧାରଣ ଲୋକଙ୍କ ମଧ୍ୟରେ ଘୋର ଅସନ୍ତୋଷ ପ୍ରକାଶ ପାଉଛି।
ସୂଚନା ଯୋଗ୍ୟ ବୁଲା ଗାଈଗୋରୁଙ୍କୁ ରୋକିବା ପାଇଁ ଏନଏସି ପକ୍ଷରୁ ଗତ କିଛି ବର୍ଷ ତଳେ କାଇଞ୍ଚପୁର ପଂଚାୟତର କଲ୍ୟାଣ ପୁର ନିକଟରେ କାଂଜିଆ ହୁଦା ନିର୍ମାଣ ହୋଇଥିଲା। ବୁଲା ଗାଈ ଗୋରୁଙ୍କୁ ଧରିନେଇ ସେଠାରେ ରଖା ଯିବା ସହିତ ଉକ୍ତ ଗୋରୁ ଗାଈଙ୍କ ମାଲିକ ଠାରୁ କିଛି ଜୋରିମାନା ଆଦାୟ କରାଯିବାର ବ୍ୟବସ୍ଥା ରହିଥିଲା। କିନ୍ତୁ ଆଦ୍ୟାବଧି ତାହା କାର୍ଯ୍ୟକାରୀ ହୋଇ ନଥିବା ବେଳେ ତାହା କେବଳ ନାମକୁ ମାତ୍ର ନିର୍ମାଣ ହୋଇଛି। ଲକ୍ଷାଧିକ ଟଙ୍କା ଖର୍ଚ୍ଚ କରାଯାଇ ନିର୍ମାଣ ହୋଇଥିବା କାଂଜିଆ ହୁଦା ଅଦରକାରୀ ଭାବେ ପଡି ରହିଛି। ଅନ୍ୟପଟେ ସହରରେ ଗାଈଗୋରୁଙ୍କ ସମସ୍ୟା ବଢ଼ି ଚାଲିଛି। ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେଇ ସମସ୍ୟାର ସମାଧାନ କରିବାକୁ ଦାବୀ ହେଉଛି।
Comments are closed.