ଗୋଲାମୁଣ୍ଡା: କଳାହାଣ୍ଡି ଜିଲା କେଗାଁ ଥାନା ସିଆଲଯୋଡ଼ି ଗ୍ରାମରେ ଘଟି ଯାଇଛି ଏକ ଅଭାବନୀୟ ଓ ଅବିଶ୍ବାସନୀୟ ଘଟଣା। ସ୍ତ୍ରୀର ଜୁଇରେ ସ୍ବାମୀ ଝାସ ଦେଇ ଆତ୍ମାହୁତି ଦେବା ଘଟଣା ଗଁାରେ ଶୋକାକୂଳ ପରିବେଶ ସୃଷ୍ଟି କରିଛି। ଚହକା ଗ୍ରାମ ପଞ୍ଚାୟତର ସିଆଲଯୋଡ଼ିସ୍ଥିତ ୫ ନମ୍ବର ୱାର୍ଡସଭ୍ୟା ରଇବାରୁ ଶବର(୬୦) ଅସୁସ୍ଥ ହୋଇ ଗତକାଲି ସ୍ଥାନୀୟ ଡାକ୍ତରଖାନାକୁ ଯାଇଥିଲେ। ସେଠାରେ ଚିକିତ୍ସିତ ହୋଇ ଘରକୁ ଫେରି ଆସିବା ପରେ ତାଙ୍କ ସ୍ବାସ୍ଥ୍ୟାବସ୍ଥା ଆହୁରି ବିଗିଡ଼ି ଯାଇଥିଲା।
- Advertisement -
ଫଳରେ ଆଜି ନିଜ ଘରେ ସନ୍ଧ୍ୟାରେ ତାଙ୍କର ମୃତ୍ୟୁ ହୋଇଥିଲା। ଗାଁରେ ଥିବା ତାଙ୍କ ଜମିରେ ମୃତଦେହ ଦାହ କରାଯାଉଥିବା ବେଳେ ତାଙ୍କର ସ୍ବାମୀ ନୀଳମଣି ଶବର(୬୫) ସେଇ ଜୁଇରେ ଆତ୍ମାହୁତି ଦେଇ ମୃତ୍ୟୁବରଣ କରିଛନ୍ତି। ଜୁଇରେ ନିଅଁା ଲଗେଇ ନିଆଁ ଶେଷ ହେବା ସମୟରେ ଲୋକେ ଘରକୁ ଫେରି ଆସିଥିଲେ। ସେହି ସମୟରେ ହିଁ ସେ ସ୍ତ୍ରୀର ଜୁଇକୁ ଡେଇଁ ଆତ୍ମହୁତି କରିଛନ୍ତି ବୋଲି ସ୍ଥାନୀୟ ଲୋକେ କହିଛନ୍ତି।
