ଗୁରୁଡିଝାଟିଆ : ଲୋକ ସେବକ ମଣ୍ଡଳ ଓ ସମାଜ ଦ୍ୱାରା ମାଧବପୁର ଠାରେ ପ୍ରତିଷଷ୍ଠିତ ଗୋପବନ୍ଧୁ ଚିକିତ୍ସାଳୟ ପରିସରରେ ମହାନ ଦେଶ ସେବକ ସଂସ୍କାରକ, ବିଶିଷ୍ଟ ସାମ୍ବଦିକ, ଦୀନଜନବନ୍ଧୁ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ୧୪୫ତମ ଜନ୍ମଉତ୍ସବ ପାଳିତ ହୋଇଛି । ଗୋପବନ୍ଧୁ ଚିକିତ୍ସାଳୟର ମୁଖ୍ୟ ଚିକିତ୍ସାଧିକାରୀ ଡାକ୍ତର ପଦ୍ମଚରଣ ଦାଶ ଅତିଥି ଭାବରେ ଯୋଗଦେଇ, ଉତ୍କଳମଣି ଗୋପବନ୍ଧୁ ଥିଲେ ଦୀନଦୁଃଖି ଅଭାବୀଙ୍କ ଯଥାର୍ଥ ବନ୍ଧୁ । ବନ୍ୟା, ବାତ୍ୟା ଓ ପ୍ରାକୃତିକ ବିପର୍ଯ୍ୟୟ ମାଡି ଆସିଲେ ଏବେ ମଧ୍ୟ ଉତ୍କଳୀୟଙ୍କ ହୃଦୟରେ ଦାସେ ଆପଣ ଉଙ୍କି ମାରନ୍ତି । ଜାତୀୟ ଚେତନା, ଜାତୀୟ ଶିକ୍ଷା ବ୍ୟବସ୍ଥା ସହିତ ଏକ ସ୍ୱତନ୍ତ୍ର ଉତ୍କଳ ଗଠନରେ ଉତ୍କଳମଣିଙ୍କ ଭୂମିକା ସ୍ୱତନ୍ତ୍ରସ୍ଥାନ ଗ୍ରହଣ କରିଥିଲେ ବୋଲି କହିଥିଲେ। ଡାକ୍ତର ଶ୍ୱେତାସୀନି ରାୟ ପୂଣ୍ୟାତ୍ମା ଉତ୍କଳମଣି ଥିଲେ ନିଷ୍ପେସିତ ମଣିଷଙ୍କ ଶେଷ ଆଶ୍ରୟସ୍ଥଳ ବୋଲି କହିଥିଲେ। ଡାକ୍ତର ମୋହିତ୍ କୁମାର, ପଣ୍ଡିତ ଉତ୍କଳମଣିଙ୍କ ସେବା ଓ ତିତିକ୍ଷା ଧର୍ମରେ ଯୁବସମାଜ ଅନୁପ୍ରାଣିତ ହେବା ପାଇଁ କହିଥିଲେ । ସମାଜ ରିଲିଫ କମିଟିର ସଦସ୍ୟ ଭବାନୀ ପ୍ରସାଦ ମିଶ୍ର, ଚିକିତ୍ସାଳୟର ଉପପରିଚାଳକ ନିତ୍ୟ ସୁନ୍ଦର ସିଏ, ଡାକ୍ତର ବିକ୍ରମ ଷଡଙ୍ଗୀ ଓ ନିଗମାନନ୍ଦ ସ୍ୱାଇଁ ପ୍ରମୁଖ ଉପସ୍ଥିତ ରହି ଉତ୍କଳମଣିଙ୍କ ପ୍ରତିମୂର୍ତ୍ତିରେ ପୂଷ୍ପମାଲ୍ୟ ଅର୍ପଣ କରିଥିଲେ।
Popular Categories
Previous article
Next article