ଗଞ୍ଜାମ : ଗଞ୍ଜାମ ବ୍ଲକ୍ ଅନ୍ତର୍ଗତ ପାଳିବନ୍ଦ ପଂଚାୟତର ଗୋଖର କୁଦା ପ୍ରକଳ୍ପ ଉଚ୍ଚ ପ୍ରାଥମିକବିଦ୍ୟାଳୟରେ ଭାଷା ଓ ସାହିତ୍ୟକୁ ନେଇ ପଠନ, ଆବୃତ୍ତି ଓ ଲିଖନ, ବିଦ୍ୟାଳୟସ୍ତରୀୟ ଶିଶୁ ଲେଖନୀ କର୍ମଶାଳା ଅନୁଷ୍ଠିତ ହୋଇଯାଇଛି। ଏହି ବିଦ୍ୟାଳୟ ସ୍ତରୀୟ କାର୍ଯ୍ୟକ୍ରମରେ ବିଦ୍ୟାଳୟର ପରିଚାଳନା କମିଟି ଉପ ସଭାପତି ଡବ୍ଲ୍ୟୁ. ଜାନକୀଆମ୍ମା ସଭାପତିତ୍ୱ କରିଥିବା ବେଳେ ଗଞ୍ଜାମ ଗୋଷ୍ଠୀ ଶିକ୍ଷା ଅଧିକାରୀ ଭାଗିରଥି ବେହେରା ମୁଖ୍ୟ ଅତିଥି., ଅଧ୍ୟାପକ ତ୍ରିଲୋଚନ ଦାଶ (କବି ) ମୁଖ୍ୟ ବକ୍ତା, ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ଶ୍ରୀ ବିଜୟ ଚନ୍ଦ୍ର ସେଠୀ , ସରପଞ୍ଚ ସଂଯୁକ୍ତା ପ୍ରଧାନ ପାଳିବନ୍ଧ ସାଧନ କେନ୍ଦ୍ର .ସଂଯୋଜକ ଶ୍ରୀ ସୁରେନ୍ଦ୍ର ନାଥ ସେଠୀ ଙ୍କ ସମେତ ଗଞ୍ଜାମ ବ୍ଲକର ସମସ୍ତ ସାଧନ କେନ୍ଦ୍ର ସଂଯୋଜକ , ଅଭିଯାନର ସଂଯୋଜକ ବିପ୍ର ଚରଣ ସାହୁ ରବୀନ୍ଦ୍ର କୁମାର ସେଠୀ , ଦାମୋଦର ପଣ୍ଡା ଓ , ସାମ୍ବାଦିକ ଭାଇ ମାନେ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ।
କାର୍ଯ୍ୟକ୍ରମ ପ୍ରାରମ୍ଭରେ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ସ୍ୱାଗତ ସଙ୍ଗୀତ ପରିବେଷଣ କରାଯାଇଥିଲା। ଗଳ୍ପ, ପ୍ରବନ୍ଧ,କବିତା ବିଭାଗର ପଠନ,ଲିଖନ ଓ ଆବୃତ୍ତି ଆଦି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଥମରୁ ଅଷ୍ଟମ ଶ୍ରେଣୀ ଛାତ୍ରଛାତ୍ରୀମାନେ ନିଜ ନିଜ ଶୈକ୍ଷିକ ଦକ୍ଷତାର ପରିଚୟ ଦେଇଥିଲେ ।
ଏହି ଶୈକ୍ଷିକ କର୍ମଶାଳାରେ ଅଂଶଗ୍ରହଣ କରିଥିବା ଛାତ୍ରଛାତ୍ରୀମାନଙ୍କୁ ଅତିଥିମାନଙ୍କ ଦ୍ଵାରା ପ୍ରଶଂସା ପତ୍ର ଓ ଭାଗିରଥି ବେହେରାଙ୍କ ଶିଶୁ ପୁସ୍ତକ ପିଲାଙ୍କ ପ୍ରାର୍ଥନା ପୁସ୍ତକ ପ୍ରଦାନ କରାଯିବା ସହ ଆଜି ଅଧ୍ୟାପକ ତ୍ରିଲୋଚନ ଦାଶଙ୍କୁ ଆଞ୍ଚଳିକ ପ୍ରତିଭା ରୂପେ ମାନପତ୍ର ଓ ଉପଢୌକନ ଦେଇ ସମ୍ମାନୀତ କରାଯାଇଥିଲା । ଭାଷା ଓ ସାହିତ୍ୟ ମାଧ୍ୟମରେ ପିଲାଙ୍କ ଭିତରେ ବିଭିନ୍ନ ଦକ୍ଷତା ବୃଦ୍ଧିର ଉଦ୍ଦେଶ୍ୟ ନେଇ ଆୟୋଜିତ ଏହି କାର୍ଯ୍ୟକ୍ରମକୁ ଶିକ୍ଷକ ଓ ପ୍ରଧାନଶିକ୍ଷକ ପରିଚାଳନା କରିଥିବା ବେଳେ ଉକ୍ତ ବିଦ୍ୟାଳୟର ସମସ୍ତ ଶିକ୍ଷୟିତ୍ରୀ କାର୍ଯ୍ୟକ୍ରମରେ ସହଯୋଗ କରିଥିଲେ। କ୍ଲଷ୍ଟରର ବିଭିନ୍ନ ବିଦ୍ୟାଳୟର ଶିକ୍ଷକ ଓ ଶିକ୍ଷୟିତ୍ରୀ, ସାମ୍ବାଦିକ ଭାଇ, ପରିଚାଳନା କମିଟିର ସଦସ୍ୟ, ପିତୃମାତୃ ଅଭିଭାବକ ପ୍ରମୁଖ ଗ୍ରାମବାସୀ ଉପସ୍ଥିତ ଥିଲେ। ପ୍ରଧାନ ଶିକ୍ଷକ ଶ୍ରୀ ଦୁର୍ଗା ପ୍ରସାଦ ପଟ୍ଟନାୟକ କାର୍ଯ୍ୟକ୍ରମ ,ସଂଯୋଜନା କରିଥିଲେ । ଶିକ୍ଷକ ରଘୁନାଥ ସାହୁ, କୃଷ୍ଣ ଚନ୍ଦ୍ର ନାୟକ,ଶିକ୍ଷୟିତ୍ରୀ ପ୍ରମିଳା ଶବର, ସୁଜ୍ଞାନୀ ସାହୁ,ଝୁମିତା ବେହେରା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ।
୫୬ତମ ଶିଶୁଲେଖକ କର୍ମଶାଳା ଆୟୋଜିତ
Popular Categories
Previous article
Next article