ଗଞ୍ଜାମ: ହୁମା ସ୍ଥିତ ୧୬ ନମ୍ବର ଜାତୀୟ ରାଜପଥ ରେ ଦୀର୍ଘ ବର୍ଷ ହେଲା ଓଭର ବ୍ରିଜ କାର୍ଯ୍ୟ ଅଧାପନ୍ତରିଆ ଅବସ୍ଥାରେ ପଡ଼ିରହିଛି। ଯାହାଫଳରେ ଗୋଟିଏ ରାସ୍ତା ରେ ଉଭୟ ପଟୁ ଯାନବାହାନ ଯାତାୟାତ କରୁଛନ୍ତି। ଫଳରେ ଅଧିକାଂଶ ସମୟରେ ଦୃଘଟଣା ଘଟୁଛି। ସ୍ଥାନୀୟ ଅଧିବାସୀ ଏନେଇ ବିଭାଗୀୟ କର୍ତ୍ତୃପକ୍ଷ ପକ୍ଷଙ୍କୁ ଜଣାଇଥିଲେ ମଧ୍ୟ ଅଦ୍ୟବିଧି ସେହି କାର୍ଯ୍ୟ ସମ୍ପୂର୍ଣ ହୋଇନି। ଏପରିକି ଗୋଟିଏ ରାସ୍ତାରେ ଉଭୟ ପାର୍ଶ୍ବରୁ ଯାନବାହାନ ଯିବା ଯୋଗୁଁ ବେଳେ ବେଳେ ରାସ୍ତା ଜାମ ହେଉଛି।
ଫଳରେ ବାଇକି ଓ ଅନ୍ୟ ଛୋଟ ଗାଡି ଗୁଡିକ ଯିବାରେ ଅସୁବିଧା ସୃଷ୍ଟି ହେଉଛି। ଏଥିପ୍ରତି ଦୃଷ୍ଟି ଦେଇ ଉକ୍ତ କାର୍ଯ୍ୟ ଯଥା ଶୀଘ୍ର ସାରିବା ପାଇଁ ଜନସାଧାରଣଙ୍କ ପକ୍ଷରୁ ଦାବିହେଉଛି। ସୂଚନା ଯୋଗ୍ୟ ଗତ ଚାରି ବର୍ଷ ହେଲା ହୁମା ଠାରେ ଓଭର ବ୍ରିଜ କାମ ସରିନାହିଁଯାହାକୁ ନେଇ ସ୍ଥାନୀୟ ଲୋକମାନେ ଅସନ୍ତୋଷ ପ୍ରକଶ କରୁଛନ୍ତି ।
ବୀରଭଦ୍ର ଉଚ୍ଚ ବିଦ୍ୟାଳୟ,ଓ ଏମଇ ସ୍କୁଲ ଛାତ୍ରଛାତ୍ରୀମାନେ ସେହି ରାସ୍ତାରେ ସବୁ ଦିନେ ଯିବାଆସିବା କରନ୍ତି। କିନ୍ତୁ ଗୋଟିଏ ରାସ୍ତା ରେ ଉଭୟ ପଟ ରା ଗାଡି ଗୁଡିକ ଯାଉଥିବା ଯୋଗୁଁ ସ୍କୁଲ ପିଲାମାନେ ଯିବାସମୟ ଅସୁବିଧା ସମ୍ମୁଖୀନ ହେଉଛନ୍ତି। ଅନ୍ୟ ପଟେ ହୁମା ପୁରୁଷୋତ୍ତମପୁର ରାସ୍ତାଟି ସେହି ଓଭର ବ୍ରିଜ ନିକଟରେ ଥିବା ଯୋଗୁଁ ସେହି ରାସ୍ତାର ଗାଡି ଗୁଡିକ ରାଜପଥ କୁ ଆସିବା ପାଇଁ ଦୀର୍ଘ ସମୟ ଅପେକ୍ଷା କରିବାକୁ ପଡୁଛି। ଏପରିକି ଅନେକ ସମୟରେ ଦୁର୍ଘଟଣା ବି ଘଟୁଛି। ଯାହାର ଅନେକ ନଜିର ରହିଛି। ଏହି ସବୁ ଅସୁବିଧା ଦୃଷ୍ଟି ଦେଇ ଯଥା ଶୀଘ୍ର ଏହାର କାର୍ଯ୍ୟ ସାରିବାପାଇଁ ଦାବିହେଉଛି।
Comments are closed.