ଫୁଲବାଣୀ : ଫୁଲବାଣୀ ଅବକାରୀ ବିଭାଗ ମୋବାଇଲ ଟିମ୍ ବୁଧବାର ଦିନ ପାଟ୍ରୋଲିଂ କରୁଥିବା ବେଳେ ଲଦଡି ଛକରେ ଚଢଉ କରି ଜଣେ ବ୍ୟକ୍ତିଙ୍କ ଠାରୁ ୬୦କିଗ୍ରା ଗଞ୍ଜେଇ ଜବତ କରିଛି। ଏହି ଘଟଣାରେ ଫିରିଙ୍ଗିଆ ଥାନା ଜାଜେସପଙ୍ଗା ପଞ୍ଚାୟତ କାମ୍ବାପଡ଼ା ଗ୍ରାମର ଉଦୟ ମାଝି ( ୫୫)ଙ୍କୁ ଗିରଫ କରାଯାଇଛି। ଉଦୟ ଫିରିଙ୍ଗିଆ ଥାନାରେ ଗ୍ରାମରକ୍ଷୀ ଭାବେ କାର୍ଯ୍ୟ କରୁଛନ୍ତି। ସୁଚନା ଅନୁସାରେ ଗଞ୍ଜେଇ ଚାଲାଣ ହେଉଥିବା ନେଇ କୌଣସି ସୂତ୍ରରୁ ଖବର ପାଇ ମୋବାଇଲ ଅବକାରୀ ବିଭାଗର କର୍ମଚାରୀ ମାନେ ଲଦଡ଼ି ଛକରେ ବସ୍ତା ଧରି ଛିଡ଼ା ହୋଇଥିବା ଉଦୟଙ୍କୁ ସନ୍ଦେହରେ ଯାଞ୍ଚ କରିବାରୁ ତାଙ୍କ ନିକଟରୁ ୬୦ କେଜି ଗଞ୍ଜେଇ ବାହାରିଥିଲା । ଏନେଇ ଫୁଲବାଣୀ ଅବକାରୀ ଥାନାରେ ମାମଲା ରୁଜ୍ଜୁ କରାଯାଇ ତାକୁ କୋର୍ଟ ଚାଲାଣ କରାଯାଇଛି। ଅବକାରୀ ଅଧିକ୍ଷକ ପ୍ରବୀର କୁମାର ସାମଲଙ୍କ ନିର୍ଦ୍ଦେଶ କ୍ରମେ ଇନ୍ସପେକ୍ଟର ଶ୍ରୀଧର ହେମ୍ବ୍ରମ, ଓଆଇସି ଭବାନୀ ଶଙ୍କର ସେଠୀ, ଏଏସ୍ ଆଇ ସୁଜିତ ମୁଦୁଲି, ପ୍ରମୁଖ ଏହି ଚଢ଼ାଉ କରିଥିଲେ ।
Comments are closed.