ଫୁଲବାଣୀ: ଫୁଲବାଣୀ ସଦର ଅବକାରୀ ବିଭାଗର କର୍ମଚାରୀ ଶୁକ୍ରବାର ସକାଳୁ ପାଟ୍ରୋଲିଂ କରୁଥିବା ସମୟରେ ଗୁଦାରି ଏଆରଷ୍ଟ୍ରିପ ନିକଟରୁ ୩୨ କିଲୋ ଗଞ୍ଜେଇ ଜବତ କରିଛନ୍ତି। ଏଥିସହ ଅଟୋ, ବାଇକ୍ ଜବତ କରି ୩ଜଣ ଗଞ୍ଜେଇ ମାଫିଆଙ୍କୁ ଗିରଫ କରାଯାଇଛି। ଗିରଫ ଗଞ୍ଜେଇ ମାଫିଆମାନେ ହେଲେ ଫିରିଙ୍ଗିଆ ଥାନା ଅଞ୍ଚଳର ନିରଞ୍ଜନ ଦିଗାଲ(୨୮), ଖଜୁରୀପଡ଼ା ଥାନା ଗୁଦାରି ଗ୍ରାମର ବବୁଲ ଦିଗାଲ(୨୪), ସଦର ଥାନା ଅଞ୍ଚଳ ଗୁଦାବାରି ଗ୍ରାମର ଅନୀଲ ବେହେରା(୨୫)। ଏ ସଂକ୍ରାନ୍ତରେ ଫୁଲବାଣୀ ସଦର ଅବକାରୀ ବିଭାଗ ୧୨୮/୨୨-୨୩ଏକ ମାମଲା ରୁଜୁ କରିଛି। ଏହି ପାଟ୍ରୋଲିଂ ସମୟରେ ଅବକାରୀ ଅଧିକ୍ଷକ ପ୍ରବୀର କୁମାର ସାମଲ, ଅବକାରୀ ଓଆଇସି ଭବାନୀ ଶଙ୍କର ସେଠୀ, ଆସିଷ୍ଟାଣ୍ଟ ସବ ଇନ୍ସପେକ୍ଟର ସୁଜିତ କୁମାର ମୁଦୁଲି, ଅବକାରୀ କନଷ୍ଟେବଳ ଭ୍ରୁବୁଟି ଦିଗାଲ ପ୍ରମୁଖ ଉପସ୍ଥିତ ଥିଲେ।
Comments are closed.