କଣ୍ଟାବାଞ୍ଜି: ସ୍ଥାନୀୟ ହରିଭବନଠାରେ ଶୁକ୍ରବାର କଣ୍ଟାବାଞ୍ଜି ବିଜେଡି ପକ୍ଷରୁ ନିଶୁଳ୍କ ଚକ୍ଷୁ ପରୀକ୍ଷା ଶିବିର ଆୟୋଜିତ ହୋଇଯାଇଛି। ଛତିଶଗଡ ରାୟପୁର ଗଣେଶ ବିନାୟକ ଚକ୍ଷୁ ଚିକିତ୍ସାଳୟର ସୁପ୍ରସିଦ୍ଧ ଡା. ଅନିଲ କୁମାର ଗୁପ୍ତାଙ୍କ ନେତୃତ୍ୱରେ ଏକ ୯ଜଣିଆ ଟିମ୍ ଆଧୁନିକ ମେସିନ ସାହାଯ୍ୟରେ ୨୦୨ଜଣଙ୍କ ଚକ୍ଷୁ ପରୀକ୍ଷା କରି ଆବଶ୍ୟକ ଚଷମା ବ୍ୟବହାର ପାଇଁ ପରାମର୍ଶ ଦେଇଛନ୍ତି। ଏଥିସହ ଏମାନଙ୍କ ମଧ୍ୟରୁ ୪୯ଜଣଙ୍କ ଚକ୍ଷୁ ଅପରେସନ୍ ପାଇଁ ସୁପାରିଶ କରିଵା ସହ ମାଗଣା ଔଷଧ ବଣ୍ଟନ କରାଯାଇଥିଲା। ଚକ୍ଷୁ ବିଶେଷଜ୍ଞ ଡା. ଗୁପ୍ତାଙ୍କୁ ଅପଟୋମିଷ୍ଟ ଭୋଜ ବଂଜାରେ, ଆକାଶ କାଶ୍ୟପ, ଟେକ୍ନିସିଆନ ସୁମିତ ମାଖିଯା, ଗୋପୀ ସାହୁ, ଧନଞ୍ଜୟ ପଟେଲ, ଉମାଶଙ୍କର ଯୋଶୀ, ଛବିଲାଲ ସାହୁ ଓ ସନ୍ତୋଷ ପ୍ରମୁଖ ଆବଶ୍ୟକ ଯନ୍ତ୍ରାଂଶ ଜରିଆରେ ଚକ୍ଷୁ ପରୀକ୍ଷା ପରେ ଚକ୍ଷୁ ରୋଗୀମାନଙ୍କୁ ଆବଶ୍ୟକ ପରାମର୍ଶ ଦେଇଥିଲେ। କଣ୍ଟାବାଞ୍ଜି ବିଜେଡି ବିଧାୟକ ପ୍ରାର୍ଥୀ ଅଜୟ ଦାସଙ୍କ ନେତୃତ୍ୱରେ ଓ ଜିଲ୍ଲା ସାଧାରଣ ସମ୍ପାଦକ ରାଜେନ୍ଦ୍ର ବେହେରାଙ୍କ ଉପସ୍ଥିତିରେ ଆଜି ଏହି କାର୍ଯ୍ୟକ୍ରମରେ କଣ୍ଟାବାଞ୍ଜି ନଗର ସଭାପତି ଦେବାର ବାରିକ ଯୁବ ସଭାପତି ବିଶାଳ ବେହେରା, ଜିଲ୍ଲା କାର୍ଯ୍ୟକାରୀ ସଦସ୍ୟ ମୁନା ମହାନ୍ତି, ଜିଲ୍ଲା ସମ୍ପାଦକ ବିନୟ ବିଭାର, ଜିଲ୍ଲା ଯୁବ ସମ୍ପାଦକ ସୁଧା ମୟ ଟାହାଣୀ, ଯୁବ ନେତା ଅଶୋକ କୁଅଁର, ଜିଲ୍ଲା ସାଧାରଣ ସମ୍ପାଦିକା ପିଙ୍କି ଖର୍ସେଲ ନଗର ସଭା ନେତ୍ରୀ ସସ୍ମିତା ଦଣ୍ଡସେନା ପ୍ରମୁଖ ଶିବିର ପରିଚାଳନାରେ ସମ୍ପୂର୍ଣ୍ଣ ସହଯୋଗ କରିଥିଲେ। ଚକ୍ଷୁ ପରୀକ୍ଷା ପାଇଁ ଆସିଥିବା ସମସ୍ତଙ୍କ ପାଇଁ ଖାଦ୍ୟ ବନ୍ଦୋବସ୍ତ କରାଯାଇଥିଲା।
Popular Categories
Previous article
Next article