ଚାନ୍ଦିପୁଟ : ଗଜପତି ଜିଲ୍ଲା ମୋହନା ତହସିଲ ଅଧିନରେ ଥିବା ବିଭିନ୍ନ ଗ୍ରାମରେ ବସବାସ କରୁଥିବା ଆଦିମ ଜନଜାତି ମାନଙ୍କୁ ଜଙ୍ଗଲ ଜମି ପଟ୍ଟା ବଣ୍ଟନ କରାଯାଇଛି । ବିଶ୍ବ ଆଦିବାସୀ ଦିବସ ଅବସରରେ ମୋହନା ତହସିଲର ମୋଟ ୫୨୪ ଜଣ ଆଦିବାସୀ ପରିବାରଙ୍କୁ ସରକାରଙ୍କ ତରଫରୁ ପଟ୍ଟା ବଣ୍ଟନ କରାଯାଇଛି। ଚନ୍ଦ୍ରଗିରି ସ୍ଥିତ ସଉରା ଉନ୍ନୟନ ସଂସ୍ଥା କାର୍ଯ୍ୟାଳୟ ପରିସରରେ ପଛୁଆ ଓ ଅନଗ୍ରସର ଆଦିବାସୀ ଅଞ୍ଚଳରେ ବସବାସ କରୁଥିବା ୩୦୩ ଟି ଆଦିବାସୀ ପରିବାରକୁ ମୋହନା ତହସିଲଦାର ହିମାଂଶୁ ଭୁଷଣ ପଲାଇ, ସଉରା ସଂସ୍ଥାର ସ୍ବତନ୍ତ୍ର ଉନ୍ନୟନ ଅଧିକାରୀ ପଟ୍ଟା ବଣ୍ଟନ କରିଛନ୍ତି, ଓପିଏଲାଇପି ପରିଚାଳକ ଶ୍ରୀଧର କୁମାର ସାହୁ ପ୍ରମୁଖ ଉପସ୍ଥିତିରେ ଏହି ପଟ୍ଟା ବଣ୍ଟନ କରାଯାଇଛି । ଅନ୍ୟପକ୍ଷରେ ବିଭିନ୍ନ ଗାଁରେ ଘରକୁ ଘର ରାଜସ୍ବ ନୀରିକ୍ଷକ ଓ କର୍ମଚାରୀ ମାନେ ଯାଇ ପଟ୍ଟା ବଣ୍ଟନ କରିଛନ୍ତି। ଏହି ପଟ୍ଟା ବିକ୍ରି ଉପଯୋଗୀ କିମ୍ବା ବନ୍ଧକରେ ବ୍ୟବହାର ହେବ ନାହିଁ ଏବଂ ଜଙ୍ଗଲ ସୁରକ୍ଷା ସହ ଜୀବନ ଜିବିକାରେ ସହାୟକ ହୋଇପାରିବ ବୋଲି ଲକ୍ଷ୍ୟ ରଖାଯାଇଥିବା ପଦାଅଧିକାରୀ ମାନେ କହିଛନ୍ତି।
Comments are closed.