ବେଙ୍ଗାଲୁରୁ: ଭାରତର ଦ୍ରୁତ ଅଭିବୃଦ୍ଧିଶୀଳ ଏସଏମବି କୈନ୍ଦ୍ରିକ ଫିନ୍ଟେକ ଷ୍ଟାର୍ଟଅପ ଫ୍ଲୋବିଜ୍ ଏହାର ମାସିକ ସକ୍ରିୟ ବ୍ୟବହାରକାରୀରେ ୨୫୦% ଅଭିବୃଦ୍ଧି ହାସଲ କରୁଛି ଏବଂ ଡିଜିଟାଇଜେସନ ଜରିଆରେ ଏସଏମ୍ବିଗୁଡିକର ଅଭିବୃଦ୍ଧି ତ୍ୱରାନ୍ୱିତ କରିବା ଲକ୍ଷ୍ୟରେ ଆଗେଇ ଚାଲିଛି। କମ୍ପାନୀ କ୍ଷୁଦ୍ର ବ୍ୟବସାୟ ସଂସ୍ଥାଗୁଡିକୁ ସେମାନଙ୍କ ଦୈନନ୍ଦିନ କାର୍ଯ୍ୟ ପରିଚାଳନାକୁ ଡିଜିଟାଇଜ କରିବା ଦିଗରେ ସମର୍ଥ କରାଇ ଭାରତକୁ ସ୍ୱାବଲମ୍ବୀ କରିବା ଦିଗରେ ମଜଭୁତ ଅଭିବୃଦ୍ଧି ପଥରେ ଅଗ୍ରସର ହେଉଛି। କୋଭିଡ-୧୯ର ପ୍ରଥମ ଓ ଦ୍ୱିତୀୟ ଲହର କାରଣରୁ ମଝିରେ ମଝିରେ ତାଲାବନ୍ଦ ଲାଗୁ କରାଯିବା ସତ୍ତେ୍ୱ ଫ୍ଲୋବିଜ୍ର ମାସିକ ସକ୍ରିୟ ବ୍ୟବହାରକାରୀ ଏବଂ ମାଇଁବିଲ୍ବୁକ୍ର ଜିଏସଟି ପଞ୍ଜିକୃତ ବ୍ୟବହାରକାରୀଙ୍କ ସଂଖ୍ୟାରେ ବୃଦ୍ଧି ଘଟିଛି। ମାଇଁବିଲ୍ବୁକ କମ୍ପାନୀର ଫ୍ଲାଗସିପ୍ ଉତ୍ପାଦ, ଯାହା ଏସଏମବିଗୁଡିକୁ ବିଲିଂ ଏବଂ ଆକାଉଣ୍ଟିଂ କ୍ଷେତ୍ରରେ ସହାୟତା କରୁଛି ଏବଂ ୨୦୨୧ରେ ଏହାର ମୋଟ ୫ ନିୟୁତ ଡାଉନଲୋଡ କରାଯାଇଛି। ଏହି ଷ୍ଟାର୍ଟଅପ୍ର ଦେଣନେଣ ବ୍ୟବସାୟ ପରିମାଣରେ ୨୦୦% ବୃଦ୍ଧି ଘଟିଛି ଏବଂ ମାଇଁବିଲ୍ବୁକ ଆପ୍ରେ ଚଳିତ ବର୍ଷ ଜୁଲାଇ ମାସରେ ଏଥିରେ ୮୮୩ ନିୟୁତ ଆମେରିକୀୟ ଡଲାରରୁ ଅଧିକ ଦେଣନେଣ କରାଯାଇଛି।
ଏହି ଅଭିବୃଦ୍ଧି ସମ୍ପର୍କରେ ପ୍ରକାଶକରି ଫ୍ଲୋବିଜ୍ର ପ୍ରତିଷ୍ଠାତା ଏବଂ ସିଇଓ ରାହୁଲ ରାଜ କହିଛନ୍ତି, ବ୍ୟବସାୟ ଡିଜିଟାଲ ରୂପାନ୍ତରଣ ଯାତ୍ରା ପଥରେ ଅଗ୍ରସର ହେଉଥିବାବେଳେ ଏହି ବିଭାଗରେ ବର୍ଦ୍ଧିତ ଚାହିଦା ରହିଛି। କମ୍ପାନୀ ଏସଏମ୍ବି ସହଭାଗୀଙ୍କୁ ସେବା ଯୋଗାଇବା ଏବଂ ଏହି ଜଟିଳ ସମୟରେ ଆଗକୁ ବଢିବାରେ ସହାୟତା କରିବାକୁ ପ୍ରୟାସ ତ୍ୱରାନ୍ୱିତ କରୁଛି। ଏହାର ଫ୍ଲାଗସିପ୍ ଉତ୍ପାଦ ମାଇଁବିଲ୍ବୁକ ବ୍ୟବସାୟ ସଂସ୍ଥାର ମାଲିକମାନଙ୍କୁ ସେମାନଙ୍କ ଇନଭଏସ, ମହଜୁଦ ସାମଗ୍ରୀ ଏବଂ ପ୍ରାପ୍ୟ / ଦେୟ ଆଦି ପରିଚାଳନା କ୍ଷେତ୍ରରେ ସହାୟତା କରିବାକୁ ଡିଜାଇନ କରାଯାଇଛି ଏବଂ ସେହି ସମୟରେ ସେମାନଙ୍କ ମୋବାଇଲ ଫୋନ ମାଧ୍ୟମରେ ପ୍ରତ୍ୟକ୍ଷ ଭାବରେ ସେମାନଙ୍କର ଦୈନନ୍ଦିନ କାର୍ଯ୍ୟକଳାପର ଅନ୍ୟାନ୍ୟ ଦିଗକୁ ସହଜରେ ଡିଜିଟାଇଜ କରୁଛି।
Comments are closed.