ଚିକିଟି – ଲଗାଣା ବର୍ଷାରେ ଉପର ମୁଣ୍ଡର ପ୍ରବଳ ବର୍ଷା ଯୋଗୁଁ ବାଘଲଟି ଜଳ ଭଣ୍ଡାର ବିପଦ ସଙ୍କେତ ପାଖାପାଖି ରହିଛି। ଏହାର ଦୁଇଟି ଗେଟ ଦେଇ ବନ୍ୟାଜଳ ନିଷ୍କାସନ କରାଯାଉଛି । ଜଳ ଭଣ୍ଡାରରେ ୧୦୬ କ୍ୟୁସେକ ଜଳ ପ୍ରବେଶ କରୁଥିବା ସ୍ଥଳେ ହେଉଥିବାରୀ ୧୦୬ କ୍ୟୁସେକ ଜଳ ନିଷ୍କାସିତ ହେଉଛି । ଏଥିଯୋଗୁଁ ଫ ନଦୀରେ ବନ୍ୟା ସ୍ଥିତି ସୃଷ୍ଟି ହୋଇଛି । ବର୍ଷାର ପରିମାଣ ବୃଦ୍ଧି ହେଉଥିବାରୁ ଜଳ ଭଣ୍ଡାରମଧ୍ୟକୁ ଅଧିକ ଜଳ ପ୍ରବେଶ କରିବା ସମ୍ଭାବନା ଅଛି । ଏହାକୁ ଦୃଷ୍ଟିରେ ରଖି ବନ୍ୟାଜଲ ନିଷ୍କାସନ କରାଯାଉଛି। ଫଳରେ ବାହୁଦା ରେ ବନ୍ୟା ବଢିବ ଆଶଙ୍କା ଦେଖାଦେଇଛି।
ଘଟଣା ସ୍ଥଳରେ ଅଧିକ୍ଷଣ ଯନ୍ତ୍ରୀ ଏବଂ ଅନ୍ୟ ଅଧିକାରୀ ଏବଂ କର୍ମଚାରୀ ଉପସ୍ଥିତ ରହି ପରିସ୍ଥିତି ଉପରେ ନଜର ରଖିଥିବା ଅଧିକ୍ଷଣ ଯନ୍ତ୍ରୀ ସଂଜୀବ କୁମାର ଦାଶ ଶର୍ମା ସୂଚନା ଦେଇଛନ୍ତି । ବାହୁଦା. ନଦୀରେ ପୋଇ ଚାନ୍ଦିଆ ରେ ୧୦୦ କ୍ୟୁସ୍କ ଜଳ ମିଶୁଥିବା ବେଳେ କଣ୍ଟେଇ ଝୁଡି ରେ ୧୦୦ ରୁ ଅଧିକ କ୍ୟୁସେକ ଓ ବାତାରଡା ନାଳ ରେ ୮୦ କ୍ୟୁସେ କ ଓ ବିଭିନ୍ନ ଶାଖା ନାଳ ର ଜଳ ବାହୁଦା ରେ ମିଶି ୬୦୦ ରୁ ଅଧିକ କ୍ୟୁସେ କ ଜଳ ପ୍ରବାହିତ ହୋଇ ବନ୍ୟା ସ୍ଥିତି ଉପୁଜିଛି।
ବନ୍ୟା ସତର୍କତା ଘୋଷଣା ସତ୍ୱେ ଶନିବାର ସକାଳୁ ଚାନ୍ଦପୁର ଗ୍ରାମର ବୃଦ୍ଧା ରେଖି ସାହୁ (୬୭) ନଦୀକୁ ଗାଧୋଇବାକୁ ଯାଇଥିବା ବେଳେ ପାଣି ସୁଅରେ ଭାସିଯାଇଥିଲେ । ନଦୀରେ ପ୍ରଖର ସ୍ରୋତ ଥିବାରୁ ଉଦ୍ଧାର କରାଯାଇ ପାରି ନଥିଲା। ଚାହୁଁ ଚାହୁଁ କୁଆଡେ ଉଭାନ ହୋଇଯାଇଥିଲେ । ଖବର ପାଇ ଅଗ୍ନିଶମ ବାହିନୀ ପହଁଚି ଖୋଜା ଖୋଜି କରି ମଧ୍ୟ କୌଣସି ପତ୍ତା ପାଇନଥିଲେ , ଖବର ଲେଖାହେବା ପର୍ଯ୍ୟନ୍ତ ନିଖୋଜହ୍କ ସମ୍ପର୍କରେ ଅନ୍ୟ କୌଣସି ସୂଚନା ମିଳିନାହିଁ ।
