ମ.ରାମପୁର : କଳାହାଣ୍ଡି ଜିଲ୍ଲା ଏମ୍ ରାମପୁର ସ୍ଥିତ ତଳ ସାଗର ପଡାରେ ରହୁଥିବା ସୁରଜିତ ବୈଠାରୁଙ୍କ ଘରେ ଅଗ୍ନିକାଣ୍ଡ ଘଟିଛି। ଫଳରେ ଘରେ ଥିବା ଏକ ନୂଆ ବାଇକ୍ ଜଳି ସମ୍ପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ ଘରର ଆସବାବ ପତ୍ର ପୋଡି ନଷ୍ଟ ହୋଇ ଯାଇଛି । ଘର ପଛପଟେ ବାରଣ୍ଡାରେ ରୋଷେଇ କରୁଥିବା ସମୟରେ ଦୁଇ ଗାଈ ଘରେ ପଶିଯାଇଥିଲେ। ସେମାନଙ୍କୁ ଘଉଡାଇବା ବେଳେ ଘରେ ଥିବା ବାଇକ୍ ତଳେ ପଡିଯିବା ଫଳରେ ବାଇକରୁ ପେଟ୍ରୋଲ ନିର୍ଗତ ଯୋଗୁଁ ଚୁଲି ନିଆଁ ପ୍ରଥମେ ବାଇକରେ ଲାଗିଥିଲା। ପରେ ସବୁଆଡେ ନିଆଁ ବ୍ୟାପି ଥିଲା। ଏଥିରେ ବାଇକ ସମ୍ପୂର୍ଣ୍ଣ ଜଳି ଯାଇଛି ଏବଂ ଘର ଆସବାବ ପତ୍ର ପୋଡି ନଷ୍ଟ ହୋଇଯାଇଛି। ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ।
Comments are closed.