ନୂଆଦିଲ୍ଲୀ: କଂଗ୍ରେସ ନେତା ତଥା ପଞ୍ଜାବ କ୍ୟାବିନେଟରେ ମନ୍ତ୍ରୀ ଥିବା ନବଜୋତ ସିଂହ ସିଦ୍ଧୁ ଏକ ନିର୍ବାଚନୀ ସଭାରେ ବିବାଦୀୟ ଭାଷଣ ଦେଇଥିବା ଅଭିଯୋଗରେ ତାଙ୍କ ବିରୁଦ୍ଧରେ ଏତଲା ଦାୟର କରାଯାଇଛି। ଆଦର୍ଶ ଆଚରଣ ବିଧି ଉଲ୍ଲଙ୍ଘନ ମାମଲାରେ ବିହାର କଟିହାରରେ ଏହି ମାମଲା ଦାୟର କରାଯାଇଛି। ମୁଖ୍ୟ ନିର୍ବାଚନ ଅଧିକାରୀ ସଞ୍ଜୟ କୁମାର ସିଂହ କହିଛନ୍ତି ଯେ ଫ୍ଲାୟିଙ୍ଗ ସ୍କ୍ୱାର୍ଡ ବାରସୋଇ ଥାନାରେ ଏତଲା ଦାୟର କରିଛନ୍ତି ଏବଂ ସମ୍ପୂର୍ଣ ରିପୋର୍ଟ ନିର୍ବାଚନ ଆୟୋଗଙ୍କୁ ପଠାଯାଇଛି। ସିଦ୍ଧୁ କଂଗ୍ରେସ ପ୍ରାର୍ଥୀ ତାରିକ ଅନୱରଙ୍କ ପାଇଁ ପ୍ରଚାର କରୁଥିଲେ। ସିଦ୍ଧୁ ସେହି ନିର୍ବାଚନୀ ସଭାରେ କହିଥିଲେ ଯେ, ଏଠି ଜାତି ଆଧାରରେ ଭାଗ ଭାଗ କରାଯାଉଛି, ଏହି ସିଟରେ ଆପଣମାନେ ଅଳ୍ପସଂଖ୍ୟକ ନୁହନ୍ତି, ବହୁସଂଖ୍ୟକ ଅଟନ୍ତି।
ଅନ୍ୟପକ୍ଷରେ ହିମାଚଳ ପ୍ରଦେଶରେ ଏକ ନିର୍ବାଚନୀ ସଭାରେ ଆଦର୍ଶ ଆଚରଣ ବିଧି ଉଲ୍ଲଙ୍ଘନ ପୂର୍ବକ ପ୍ରଦେଶ ବିଜେପି ଅଧ୍ୟକ୍ଷ ସତପାଲ ସିଂହ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ପ୍ରତି ଅପଶବ୍ଦ ପ୍ରୟୋଗ ଅଭିଯୋଗରେ ତାଙ୍କ ବିରୁଦ୍ଧରେ ମାମଲା ଦାୟର କରାଯାଇଛି।
Comments are closed.