ନୂଆଦିଲ୍ଲୀ: ଅନ୍ତର୍ଜାତୀୟ ହକି ମହାସଂଘ ପକ୍ଷରୁ ଭାରତ ଓ ଜର୍ମାନୀ ମଧ୍ୟରେ ଏଫ୍ଆଇଏଚ୍ ପୁରୁଷ ପ୍ରୋ-ଲିଗ୍ ହକି ମ୍ୟାଚର ପୁନଃ କାର୍ଯ୍ୟସୂଚୀ ଘୋଷିତ ହୋଇଛି। ଉକ୍ତ ମ୍ୟାଚ ଭୁବନେଶ୍ବରର କଳିଙ୍ଗ ଷ୍ଟାଡ଼ିୟମରେ ଚଳିତ ଏପ୍ରିଲ ୧୪ ଓ ୧୫ରେ ଖେଳାଯିବ। ଭାରତ ଓ ଜର୍ମାନୀ ମ୍ୟାଚର ପୁନଃ କାର୍ଯ୍ୟସୂଚୀକୁ ଶନିବାର ହକି ଇଣ୍ଡିଆ ଅନୁମୋଦନ ପ୍ରଦାନ କରିଛି। ଉଭୟ ଦଳ ମଧ୍ୟରେ ମ୍ୟାଚ ମାର୍ଚ୍ଚ ୧୨ ଓ ୧୩ରେ ଖେଳାଯିବାର ଥିଲା। ଜର୍ମାନୀ ଖେଳାଳି କରୋନା ସଂକ୍ରମିତ ହେବାରୁୁ ମ୍ୟାଚକୁ ସ୍ଥଗିତ କରି ଦିଆ ଯାଇଥିଲା। େଶଷ ଥର ପାଇଁ ଉଭୟ ଦଳ ଟୋକିଓ ଅଲିମ୍ପିକ୍ସ୍ ତୃତୀୟ ସ୍ଥାନ ପାଇଁ ମ୍ୟାଚରେ ମୁହଁାମୁହିଁ ହୋଇଥିଲେ। ଏଥିରେ ଭାରତ ୪-୩ ଗୋଲରେ ଜର୍ମାନୀକୁ ପରାସ୍ତ କରି ୪୧ ବର୍ଷ ପରେ ଅଲିମ୍ପିକ୍ସ ପଦକ ହାତେଇ ଥିଲା। ଜର୍ମାନୀର ଭାରତ ଗସ୍ତ ନିଷ୍ପତ୍ତିକୁ ହକି ଇଣ୍ଡିଆ ସଭାପତି ଜ୍ଞାନେେନ୍ଦ୍ରା ନିଗୋମ୍ବାମ୍ ସ୍ବାଗତ କରିଛନ୍ତି। ଜର୍ମାନୀ ଦଳର ଏକାଧିକ ଖେଳାଳି କରୋନା ସଂକ୍ରମିତ ହେବା ପରେ ଦଳ ଭାରତ ଗସ୍ତରୁ ଓହରି ଯାଇଥିଲା। ଜର୍ମାନୀ ୮ଟି ମ୍ୟାଚ ଖେଳି ୧୭ ପଏଣ୍ଟ ପାଇଛି।
Comments are closed.