ଫୁଲବାଣୀ : ଆଦିବାସୀ ଅଧ୍ୟୁଷିତ କନ୍ଧମାଳ ଜିଲ୍ଲାରେ ଏକ ନୂଆ ଧରଣର ଠକେଇ ସାମନାକୁ ଆସିଛି । ଯାହାକୁ ନେଇ ଠକେଇର ଶିକାର ହୋଇଥିବା ମହିଳା ମାନେ ଥାନାର ଦ୍ୱାରସ୍ଥ ହୋଇଛନ୍ତି। ଏଭଳି ଘଟଣା ଘଟିଛି କନ୍ଧମାଳ ଜିଲ୍ଲା ଟିକାବାଲି ଥାନା ଅଧୀନରେ ଥିବା କଇଁଝର ଅଞ୍ଚଳରେ।
ଚାଣକ୍ୟ ନୀତି : ବାସ୍ ଏହି ଗୋଟିଏ ଉପାୟରେ ସବୁବେଳେ ରହିବେ ସୁସ୍ଥ ଓ ନିରୋଗ..
ସୂଚନା ଅନୁସାରେ ଟିକାବାଲି ଥାନା କଇଁଝର ଗାଁର ସନିରା ଦିଗାଲ ନାମକ ଜଣେ ବ୍ୟକ୍ତି କିଛି ବେସରକାରୀ ଅର୍ଥ ଲଗାଣକାରୀ ସଂସ୍ଥାର କର୍ମଚାରୀ ମାନଙ୍କ ସହ ମିଶି ଏହି କଇଁଝର ଅଞ୍ଚଳର ପ୍ରାୟ ୪୦ ରୁ ୫୦ ଜଣ ମହିଳାଙ୍କ ନାଁରେ ଋଣ କରି ପ୍ରାୟ ୮ ରୁ ୧୦ ଲକ୍ଷ ଟଙ୍କା ନେଇ ଫେରାର ହୋଇ ଯାଇଥିବା ଅଭିଯୋଗ ହୋଇଛି। ମହିଳା ମାନଙ୍କ କହିବା ଅନୁସାରେ ସମ୍ପୃକ୍ତ ବ୍ୟକ୍ତି ଜଣକ କିଛି ଅର୍ଥ ଲଗାଣକାରୀ ସଂସ୍ଥାର କର୍ମଚାରୀ ମାନଙ୍କ ସହ ମହିଳା ମାନଙ୍କୁ ଋଣ କରିବାକୁ କହିବା ସହ ଏହି ଋଣ ଟଙ୍କାରେ ସିଲେଇ ତାଲିମ କେନ୍ଦ୍ର ଖୋଲିବା ପାଇଁ କହିଥିଲେ। ମହିଳା ମାନେ ମଧ୍ୟ ସମ୍ପୃକ୍ତ ବ୍ୟକ୍ତିଙ୍କ କଥାକୁ ବିଶ୍ୱାସ କରି ବିଭିନ୍ନ ବେସରକାରୀ ବ୍ୟାଙ୍କରୁ ଋଣ କରି ତାଙ୍କୁ ଦେଇଥିଲେ ଓ କିନ୍ତୁ ମହିଳା ମାନଙ୍କ ଠାରୁ ଟଙ୍କା ନେଇ ସମ୍ପୃକ୍ତ ବ୍ୟକ୍ତି ଜଣକ କୌଣସି ସିଲେଇ ତାଲିମ କେନ୍ଦ୍ର ନଖୋଲି ଫେରାର ହୋଇଯାଇଥିଲେ। ମହିଳା ମାନେ ସମ୍ପୃକ୍ତ ବ୍ୟକ୍ତିଙ୍କୁ ଯୋଗାଯୋଗ କଲେ ତାଙ୍କର କୌଣସି ଖୋଜ ଖବର ମିଳୁନଥିବା ବେଳେ ସେପଟେ ସମ୍ପୃକ୍ତ ଯୁବକଙ୍କ ସହ ଆସିଥିବା ଅର୍ଥ ଲଗାଣକାରୀ କର୍ମଚାରୀ ମାନଙ୍କ ପାଖରେ ଅଭିଯୋଗ କଲେ ସମ୍ପୃକ୍ତ କର୍ମଚାରୀ ମାନେ ମହିଳା ମାନଙ୍କୁ ଦୁର୍ବ୍ୟବହାର କରିବା ସହ ସେ ବିଷୟରେ ଆମେ କିଛି ଜାଣିନୁ ତମେ ବ୍ୟାଙ୍କରୁ ଋଣ ନେଇଛ ଓ ତମେ ହିଁ ସୁଝିବ ବୋଲି ଧମକ ଦେଉଥିବା ମହିଳା ମାନେ ଅଭିଯୋଗ କରିଛନ୍ତି। ଶେଷରେ କୌଣସି ଉପାୟ ନପାଇ ମହିଳା ମାନେ କନ୍ଧମାଳ ଜିଲ୍ଲା ଟିକାବାଲି ଥାନାରେ ସମ୍ପୃକ୍ତ ବ୍ୟକ୍ତି ଓ ଅର୍ଥଲଗାଣକାରୀ ସଂସ୍ଥା ମାନଙ୍କର କର୍ମଚାରୀ ମାନଙ୍କ ନାଁରେ ଲିଖିତ ଭାବରେ ଅଭିଯୋଗ କରିଥିବା ବେଳେ ଘଟଣାକୁ ନେଇ ପୁଲିସ ତଦନ୍ତ ଜାରିରଖିଥିବା ଜଣାପଡିଛି। ଅନ୍ୟପଟେ ମହିଳା ମାନେ ଏଭଳି ଠକେଇ କରିଥିବା ସମ୍ପୃକ୍ତ ବ୍ୟକ୍ତି ଓ କର୍ମଚାରୀ ମାନଙ୍କ ନାଁରେ ଦୃଢ଼ କାର୍ୟ୍ୟାନୁଷ୍ଠାନ ଦାବି କରିବା ସହ ହଡ଼ପ ହୋଇଥିବା ସମସ୍ତ ଟଙ୍କା ଫେରସ୍ତ ପାଇବା ପାଇଁ ପୁଲିସ ପାଖରେ ଦାବି କରିଛନ୍ତି।
