ମିର୍ଜାପୁର, ୧୭ା୯: ଉତ୍ତର ପ୍ରଦେଶ ମିର୍ଜାପୁରରେ ଏକ ନକଲି ପୁଲିସକୁ ଗିରଫ କରିଛି ଅସଲି ପୁଲିସ। ଭଟନି ଜନପଦ ଦେବରିୟାରେ ରହୁଥିବା ଏହି ଠକ ନାଁ ଅମରେନ୍ଦ୍ରନାଥ ତିଓ୍ବାରୀ ଓରଫ ଆୟୁଷ। ଇନଷ୍ଟାଗ୍ରାମରେ ବନ୍ଧୁ ହେବା ପରେ ଜ୍ଞାନ ପ୍ରକାଶ ନାମକ ଜଣେ ବ୍ୟକ୍ତିଙ୍କଠୁ କଛବା ଥାନାରେ ରୁଜୁ ଏକ ମାମଲାର ରିପୋର୍ଟ ବଦଳାଇବା ପାଇଁ ୬୦ ହଜାର ଟଙ୍କା ନେଇଥିଲା ଆୟୁଷ । ଏହା ପରେ ଥାନାକୁ ଫୋନ୍ କରି ନକଲି ଆଇଜି ସାଜି ଇନ୍ସପେକ୍ଟରଙ୍କୁ ମାମଲାର ରିପୋର୍ଟକୁ ବଦଳାଇବାକୁ ଧମକାଇଲା। କିନ୍ତୁ ଇନ୍ସପେକ୍ଟର ତାକୁ ସରକାରୀ ସିୟୁଜି ନମ୍ବରରୁ ଫୋନ୍ କରିବାକୁ କହିବାରୁ ସେ ଫୋନ୍ କାଟିଦେଲା। ଏଥିରେ ପୁଲିସକୁ ସନ୍ଦେହ ହେଲା। ଅନ୍ୟପଟେ ରିପୋର୍ଟ ନବଦଳିବାରୁ ପଇସା ଦେଇଥିବା ଲୋକ ପଚାରିବାରୁ ତାକୁ ଗାଳି ଗୁଲଜ କଲା ଆୟୁଷ। ଏନେଇ ସେ ବ୍ୟକ୍ତି ଜଣକ ଥାନାରେ ଅଭିଯୋଗ ପରେ ସବୁ ସତ ସାମ୍ନାକୁ ଚାଲିଆସିଲା। ପୁଲିସ ତାକୁ ଗିରଫ କରିବା ପରେ ପୂର୍ବରୁ ଅନେକ ଥର ନକଲି ନେତା, ପୁଲିସ ସାଜି ସେ ଲୋକଙ୍କୁ ଠକିଥିବା ଥାନାରେ ସ୍ବୀକାର କରିଛି। ତା ନିକଟରୁ ୨ଟି ମୋବାଇଲ ଫୋନ୍ ଜବତ କରିବା ସହ ବ୍ୟାଙ୍କ ଆକାଉଣ୍ଟକୁ ଫ୍ରିଜ୍ କରିଦିଆଯାଇଛି।
Popular Categories
Previous article
Next article