ଆଠଗଡ : ବିଶ୍ୱ ବରିଷ୍ଠ ନାଗରିକ ଦିବସ ଅବସରରେ ଭାରତର ନିର୍ବାଚନ କମିଶନଙ୍କ ଅଭିନବ ଯୋଜନାକୁ କାର୍ଯ୍ୟକାରୀ କରିବାକୁ ଯାଇ ଆଠଗଡ ଉପଜିଲ୍ଲାପାଳ ୩ଜଣ ଶତାୟୁ ବୟୋଜ୍ୟେଷ୍ଠ ମତଦାତାଙ୍କୁ ସମ୍ବର୍ଦ୍ଧିତ କରିଛନ୍ତି । ଆଠଗଡ ଉପଖଣ୍ଡ ପ୍ରଶାସନ ପକ୍ଷରୁ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ଶନିବାର ସକାଳେ ଶତାୟୁ ବୟୋଜ୍ୟେଷ୍ଠ ଭୋଟର ଜେନାପଦା ଗ୍ରାମର ବୈରାଗୀ ଶତପଥୀ, ମାଟିକୋଟ ଗ୍ରାମର କୁଞ୍ଜ ନାୟକ, ଏବଂ ସଠିଲୋ ଗ୍ରାମର ଧଡି ରାଉତଙ୍କୁ ଭାରତ ନିର୍ବାଚନ କମିଶନଙ୍କ ଦ୍ୱାରା ପ୍ରଦତ୍ତ ପ୍ରଶଂସା ପତ୍ର, ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ଉପଜିଲ୍ଲାପାଳ ହେମନ୍ତ କୁମାର ସ୍ୱାଇଁ ସେମାନଙ୍କୁ ସମ୍ବର୍ଦ୍ଧିତ କରିଥିଲେ। ଭୋଟରମାନଙ୍କୁ ମତାଧିକାର ସାବ୍ୟସ୍ତ କରିବା ନିମନ୍ତେ ନିର୍ବାଚନ କମିଶନଙ୍କର ଏହା ଏକ ସୁଦୂର ପ୍ରସାରୀ ପ୍ରୟାସ ବୋଲି ଉପଜିଲ୍ଲାପାଳ ଶ୍ରୀ ସ୍ୱାଇଁ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ସହକାରୀ ଜିଲ୍ଲାପାଳ ପ୍ରଜ୍ଞା ପାରମିତା ପୃଷ୍ଟି, ଉପଖଣ୍ଡ ସୂଚନା ଓ ଲୋକସଂପର୍କ ଅଧିକାରୀ ଅଲେଖ ଚନ୍ଦ୍ର ଦାଶ, ଉପଜିଲ୍ଲାପାଳଙ୍କ କାର୍ଯ୍ୟାଳୟର ନିର୍ବାଚନ ଉପବିଭାଗ ବରିଷ୍ଠ ସହାୟକ ସୂର୍ଯ୍ୟମଣି ସାହୁ ଓ ସିଆରସିସି ନିଳମଣୀ ନାୟକ ପ୍ରମୁଖ ଉପସ୍ଥିତ ଥିଲେ।
Comments are closed.