ନୂଆଦିଲ୍ଲୀ : ପୂର୍ବରୁ ପ୍ରାୟତଃ ସମସ୍ତେ ଚୁଲିରେ ରୋଷେଇ କରୁଥିଲେ । କିନ୍ତୁ ଆଜି କାଲି ଘରେ ଘରେ ଗ୍ୟାସ୍ ସିଲିଣ୍ଡର ହୋଇଗଲାଣି । ଏଥିରେ ରୋଷେଇ କରିବା ସହଜ ଏବଂ ସରଳ ମଧ୍ୟ । ସିଲିଣ୍ଡରରୁ ଗ୍ୟାସ୍ ସରିଗଲେ ପୁଣି ଗ୍ୟାସ୍ ଭରାହୁଏ । ଏହା ସହିତ ଉପର ରେଗୁଲେଟର ଖରାପ ହେଲେ ଏହାକୁ ସଜଡାହୁଏ ବା ନୂଆ ରେଗୁଲେଟର ଲାଗିଥାଏ । କିନ୍ତୁ ଆପଣ ଜାଣିଛନ୍ତି କି ଏଥିରେ ଲାଗିଥିବା ପାଇପ ମଧ୍ୟ ଖରାପ ହୋଇଥାଏ । ଆସନ୍ତୁ ଜାଣିବା କେମିତି ଚେକ୍ କରିପାରିବେ ପାଇପ୍ ଭଲ ଅଛି କିମ୍ବା ଖରାପ ହୋଇଯାଇଛି…
ଯେବେ ଆପଣ ସିଲିଣ୍ଡର ନେଇଥିବେ ସେବେ ସେଥିରେ କିଛି ନମ୍ବର ଏବଂ ଅକ୍ଷର ଲେଖାହୋଇଥିବା ଦେଖିଥିବେ ନିଶ୍ଚୟ । ଯଥା ଏ-୨୪, ବି-୨୨ ବା ସି-୨୫ । ଏହି ନମ୍ବର ସିଲିଣ୍ଡରର ବ୍ୟବହାର କରିବାର ସମୟ ସୀମା ଦର୍ଶାଇଥାଏ । ଯଥା ସି-୨୫ ଅର୍ଥ ଏହି ସିଲିଣ୍ଡର ବ୍ୟବହାରର ସମୟ ସୀମା ୨୦୨୫ରେ ସମାପ୍ତ ହୋଇଯିବ ।
ସେହିଭଳି ଜରୁରି କଥା ହେଉଛି ଏଥିରେ ଲାଗିଥିବା ପାଇପ୍ । ନଚେତ୍ ସାମାନ୍ୟ ଭୁଲ୍ ପାଇଁ ଆପଣ ବଡ ବିପଦରେ ପଡିପାରନ୍ତି । ଆପଣଙ୍କୁ ସିଲିଣ୍ଡରରେ ଲାଗିଥିବା ପାଇପର ଲିକେଜ୍ ଯାଞ୍ଚ କରିବା ଉଚିତ୍ । ଯଦି ଏହାର ବ୍ୟବହାରର ସମୟ ସୀମା କଥା କହିବା ତ ସିଲିଣ୍ଡର ପାଇପ୍ କିଣିବାର ୧୮ରୁ ୨୪ ମାସ ଭିତରେ ପାଇପକୁ ବଦଳାଇବା ଉଚିତ୍ ।
