ଗାନ୍ଧୀନଗର : ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ଶଙ୍କର ସିଂହ ବାଘେଲା ପୁଣି ଏକ ବିବାଦୀୟ ବୟାନ ଦେଇ ଚର୍ଚ୍ଚା ଘେରକୁ ଆସିଛନ୍ତି। ଫେବୃଆରୀ ୧୪ ପୁଲୱାମା ଆତଙ୍କବାଦୀ ଆକ୍ରମଣକୁ ଶଙ୍କର ସଂହ ବାଘେଲା ବିଜେପିର ଷଡଯନ୍ତ୍ର ବୋଲି କହିଛନ୍ତି।
ବିଜେପି ଏବଂ କଂଗ୍ରେସ ପରେ ଏନସିପିରେ ଯୋଗଦେଇଥିବା ବାଘେଲା ବୁଧବାର ଗଣମାଧ୍ୟମକୁ ସମ୍ବୋଧିତ କରି କହିଥିଲେ ଯେ ପୁଲୱାମା ଆକ୍ରମଣ ପାଇଁ ବ୍ୟବହୃତ ଆରଡିଏକ୍ସ ଭର୍ତ୍ତି କାରର ପ୍ରଥମ ପଞ୍ଜିକରଣ ଗୁଜୁରାଟରେ ହୋଇଥିଲା। ଗୋଧ୍ରା ପରି ପୁଲୱାମା ଆକ୍ରମଣ ହେଉଛି ବିଜେପିର ଷଡ଼ଯନ୍ତ୍ର। ନିର୍ବାଚନ ଜିତିବା ପାଇଁ ବିଜେପି ଆତଙ୍କବାଦକୁ ବ୍ୟବହାର କରିଛି।
ସେହିପରି ବାଘେଲା କହିଛନ୍ତି ଯେ ବାଲାକୋଟ ବିମାନ ଆକ୍ରମଣରେ ଜଣେ ବି ଲୋକର ମୃତ୍ୟୁ ଘଟିନାହିଁ। କୌଣସି ଅନ୍ତର୍ଜାତୀୟ ସଂସ୍ଥା ଏହି ଆକ୍ରମଣରେ ୨୦୦ ଆତଙ୍କବାଦୀ ମରିଥିବା କଥା ସାବ୍ୟସ୍ତ କରିପାରିନାହାନ୍ତି। ପୁଲୱାମା ଆକ୍ରମଣ ନେଇ ଗୁଇନ୍ଦା ସୂଚନା ମିଳିଥିଲେ ବି ପ୍ରତିରକ୍ଷା ଦିଗରେ କୌଣସି ପଦକ୍ଷେପ ନିଆଯାଇନଥିଲା। ତେଣୁ ଏହା ବିଜେପିର ଏକ ଷଡ଼ଯନ୍ତ୍ର ଥିଲା।
Comments are closed.