ଭୁବନେଶ୍ଵର: ରାଜ୍ୟରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ମତଦାନ ଆରମ୍ଭ ହୋଇଛି। ଆଜି ୬ଟି ଲୋକସଭା ଓ ୪୨ ବିଧାନସଭା ପାଇଁ ଭୋଟିଂ ହେଉଛି। ୯୯ ଲକ୍ଷ ୬୧ ହଜାର ୫୭ ଜଣ ଭୋଟର ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି। ଲୋକସଭା ପାଇଁ ମୈଦାନରେ ୬୬ ପ୍ରାର୍ଥୀ ଥିବାବେଳେ ବିଧାନସଭା ପାଇଁ ୩୯୪ ପ୍ରାର୍ଥୀ ରହିଛନ୍ତି। କିନ୍ତୁ ଏହାମଧ୍ୟରେ ଆଜି ସକାଳୁ ଭୋଟିଂ ଆରମ୍ଭ ରୁ ବିଭିନ୍ନ ସ୍ଥାନରେ ଇଭିଏମ୍ ଅଚଳ ହେଉଥିବା ଦେଖିବାକୁ ମିଳିଛି। ଫଳରେ ମତଦାନ ବାଧାପ୍ରାପ୍ତ ହୋଇଛି। କେନ୍ଦ୍ରାପଡା ଗରଦପୁର ବ୍ଲକ ବସନ୍ତପୁର ୨୫ନଂ ବୁଥରେ ଇଭିଏମ୍ ଅଚଳ ହୋଇଛି। ସେହିପରି ପାଟକୁରା ୨୮୬ନଂ, ଡେରାବିଶ ୧୪ନଂ ଓ ୧ଂ ବୁଥ୍, କେନ୍ଦ୍ରାପଡା ବାଲିପଡାର ୧୨୧, ୧୨୨ନଂ ବୁଥ୍, କେନ୍ଦ୍ରାପଡା ବେଲପାଳର ୧୦୬ନଂ , ସାଲେପୁର ରୋଧପୁର ସ୍କୁଲ ୨୩୪ନଂ ବୁଥ୍ , ପାରାଦୀପ ନିମିଢିର ୧୭୧ନଂ, ଏବଂ ଭଦ୍ରକ ଭଣ୍ଡାରିପୋଖରୀ ୧୪୨ନଂ ବୁଥ୍ରେ ଇଭିଏମ୍ ତ୍ରୁଟି ପରିଲକ୍ଷିତ ହୋଇଛି।
Comments are closed.