ନୂଆଦିଲ୍ଲୀ: ବୁଧବାର ମଧ୍ୟ ଅଯୋଧ୍ୟା ରାମ ମନ୍ଦିର ଆଗରେ ପ୍ରବଳ ଶ୍ରଦ୍ଧାଳୁଙ୍କ ଭିଡ ଦେଖିବାକୁ ମିଳିଛି। ବିଳମ୍ବିତ ରାତିରୁ ରାମ ପଥରେ ଶ୍ରଦ୍ଧାଳୁମାନେ ଧାଡିରେ ଅପେକ୍ଷା କରିଛନ୍ତି। ରାମଙ୍କ ଦର୍ଶନ ପାଇଁ ସମସ୍ତେ ଆତୁର ହୋଇରହିଛନ୍ତି। ଦୂର ଦୂରାନ୍ତରୁ ରାମଭକ୍ତମାନେ ରାମଲାଲାଙ୍କ ଦର୍ଶନ ଲାଗି ଆସିଛନ୍ତି। ଶୀତକୁ ଖାତିର ନ କରି ସେମାନେ ପ୍ରଭୂଙ୍କ ଦର୍ଶନ ପାଇଁ ଅପେକ୍ଷା କରିଥିବା ଦେଖିବାକୁ ମିଳିଛି। ତେବେ ବରିଷ୍ଠ ନାଗରିକ ଏବଂ ଦିବ୍ୟାଙ୍ଗଙ୍କୁ ଦୁଇ ସପ୍ତାହ ପରେ ମନ୍ଦିର ଆସିବାକୁ ଅଯୋଧ୍ୟା ରେଞ୍ଜ ଆଇଜି ନିବେଦନ କରିଛନ୍ତି। ସେପଟେ ମଙ୍ଗଳବାର ଶ୍ରଦ୍ଧାଳୁଙ୍କ ସଂଖ୍ୟା ରେକର୍ଡ ଭାଙ୍ଗିଛି। ରାମଲାଲାଙ୍କୁ ପ୍ରାୟ ୫ ଲକ୍ଷରୁ ଅଧିକ ଭକ୍ତ ଦର୍ଶନ କରିଛନ୍ତି। ସେପଟେ ଭକ୍ତଙ୍କ ଭିଡକୁ ଦୃଷ୍ଟିରେ ରଖି ୮ ହଜାରରୁ ଅଧିକ ସୁରକ୍ଷାକର୍ମୀଙ୍କୁ ମୂତୟନ କରାଯାଇଛି।
Comments are closed.