ନୂଆଦିଲ୍ଲୀ; ହନୁମାନ ଜୟନ୍ତୀରେ ଜାହାଙ୍ଗୀରପୁରୀରେ ଦୁଇ ଗୋଷ୍ଠୀଙ୍କ ମଧ୍ୟରେ ଗଣ୍ଡଗୋଳକୁ ନେଇ ପୁଲିସ କାର୍ଯ୍ୟାନୁଷ୍ଠନ ନେଇଛି । କିଛି ଅଭିଯୁକ୍ତଙ୍କୁ ଗିରଫ କରିବାରେ ମଧ୍ୟ ସଫଳ ହୋଇଛି ପୁଲିସ । ଶୋଭାଯାତ୍ରାରେ ପଥର ଫିଙ୍ଗା ଘଟଣାକୁ ନେଇ ଉତ୍ତର ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ ଦିଲ୍ଲୀ ପୁଲିସର ସହଯୋଗ ଲୋଡ଼ିଛି । ଖାଲି ସେତିକି ନୁହେଁ ଘଟଣାରକୁ ନେଇ ଉତ୍ତର ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ୍ର ସିଭିଲ୍ ଲାଇନ୍ ଜୋନର ଆସିଷ୍ଟାଣ୍ଟ କମିଶନର ମଙ୍ଗଳବାର ନିଜେ ଉତ୍ତର ପଶ୍ଚିମ ଦିଲ୍ଲୀର ଡେପୁଟି କମିଶନରଙ୍କ ନିକଟକୁ ଏକ ଚିଠି ଲେଖିଛନ୍ତି ।
ଚିଠିରେ ସେ ଜାହାଙ୍ଗୀରପୁରୀ ଅଞ୍ଚଳରେ ଜନସମ୍ପର୍କ ବିଭାଗ, ମ୍ୟୁନିସିପାଲିଟି କର୍ପୋରେସନ୍, ନିର୍ମାଣ / ରକ୍ଷଣାବେକ୍ଷଣ ବିଭାଗ, ସ୍ୱାସ୍ଥ୍ୟ ବିଭାଗ, ପରିମଳ ବିଭାଗ, ପ୍ରାଣୀ ଚିକିତ୍ସା ବିଭାଗକୁ ଏନେଇ ଅବଗତ କରାଇଛନ୍ତି । ସେ କହିଛନ୍ତି ସମୃକ୍ତ ଅଞ୍ଚଳରେ ବେଆଇନ୍ ନିର୍ମାଣ ହଟାଇବାକୁ । ଯାହାଦ୍ୱାରା ଏପରି ପରିସ୍ଥିତି ସୃଷ୍ଟି ହେଉଛି । ଆଜି ଓ ଆସନ୍ତାକାଲି ଏହି ଗୁଡ଼ିକୁ ଉଚ୍ଛେଦ କରାଯିବ । ଏଥିଲାଗି ଆନଶୃଙ୍ଖଳା ରକ୍ଷା କରିବାକୁ ୪ଶହ ପୁଲିସ କର୍ମଚାରୀ ମୁତୟନ କରିବାକୁ ସେ କହିଛନ୍ତି । ତେବେ ତାଙ୍କ ଏହି ଚିଠିର କୌଣସି ଉତ୍ତର ଆସିନଥିବା କୁହାଯାଉଛି ।
