ବ୍ରହ୍ମପୁର: ଗଂଜାମ ପୁଲିସର ପୁଣି ଏକ ଏନକାଉଣ୍ଟର। ପୁଲିସ ଏନକାଉଣ୍ଟରର ଶିକାର ହୋଇଛି ଦୁର୍ଦାନ୍ତ ଅପରାଧୀ ସନ୍ତୋଷ ବେହେରା । ସନ୍ତୋଷର ଘର ରମ୍ଭା ଥାନା ଅନ୍ତର୍ଗତ ଖଣ୍ଡାଦେଉଳି ଗାଁରେ ବୋଲି ଜଣାପଡିଛି । ଆହତ ଅପରାଧୀ ସନ୍ତୋଷ ନିକଟରୁ ପୁଲିସ ଗୋଟିଏ ୯ଏମ ଏମ୍ ପିସ୍ତଲ, ଦୁଇଟି ଜୀବନ୍ତ ଗୁଳି ଓ ଗୋଟିଏ ବାଇକ ଜବତ କରିଛି । ଗଂଜାମ ଏସପି ବ୍ରିଜେଶ କୁମାର ରାୟଙ୍କ ନିର୍ଦେଶରେ ଏନକାଉଣ୍ଟର ହୋଇଛି ।
ଆଜି ଭୋର ୪ଟା ସମୟରେ ହୋଇଛି ଏନକାଉଣ୍ଟର। ଦୁର୍ଦାନ୍ତ ଅପରାଧୀ ସନ୍ତୋଷର ଦୁଇ ଗୋଡ଼ରେ ପୁଲିସ ଗୁଳି ବାଜିଛି । ଆହତ ସନ୍ତୋଷ ଛତ୍ରପୁର ଉପଖଣ୍ଡ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ସନ୍ତୋଷ ନାମରେ ଖଲ୍ଲିକୋଟ, ରମ୍ଭା ଓ ଅନ୍ୟ ଜିଲ୍ଳା ଥାନାରେ ରହିଛି ୧୬ରୁ ଅଧିକ ସଙ୍ଗୀନ ଅପରାଧିକ ମାମଲା। ଘଟଣା ସ୍ଥଳରୁ ସନ୍ତୋଷର ଅନ୍ୟ ଜଣେ ସହଯୋଗୀ ଫେରାର ହେବାରେ ସକ୍ଷମ ହୋଇଛି।
ଉଭୟ ବ୍ରହ୍ମପୁର ଓ ଗଂଜାମ ପୋଲିସର ମିଳିତ ଅପରେସନ ଅପରେସନ କ୍ଲିନ କ୍ରାଇମର ଏହା ଏକ ଅଂଶବିଶେଷ । ଉଭୟ ଜିଲ୍ଲା ପୁଲିସ ପକ୍ଷରୁ ବର୍ତ୍ତମାନ ସୁଦ୍ଧା ମୋଟ ୪୧ଟି ଏନକାଉଣ୍ଟର ହୋଇଥିବାବେଳେ ୪୪ଜଣ ଦୁର୍ଦାନ୍ତ ଅପରାଧୀଙ୍କୁ କାବୁ କରାଯାଇପାରିଛି।
