ନୀଳଗିରି: କୁଲଡିହା ଅଭୟାରଣ୍ୟର ପାଦଦେଶରୁ ୯ଫୁଟ୍ ର ଅହିରାଜ ସାପ ( କିଙ୍ଗକୋବ୍ରା) ଉଦ୍ଧାର ହୋଇଛି । ଜଙ୍ଗଲ ପାଦଦେଶରେ ଟାଇଚୁଙ୍ଗ ଧାନ ଚାଷ ହେଉଥିବାରୁ ଜଣେ ଜମି ମାଲିକ ନୀଳଗିରି ବ୍ଲକ ଅସନବଣି ଅଞ୍ଚଳରେ ଥିବା ବିଲ ଚାରିପଟେ ଜାଲ ଘେରିଥିଲେ। ଗତକାଲି ରାତିରେ ଏହି ଅହିରାଜଟି ଜାଲରେ ଛନ୍ଦି ହୋଇଥିଲା। ଶୁକ୍ରବାର ସକାଳେ ସ୍ଥାନୀୟ ଆମ୍ବଝର ସ୍କୁଲ ଶିକ୍ଷକ ସୁନୀଲ ସିଂ, ତେଲିପାଳ ଗାଁର ରାମ ମାଝୀ ଓ ଅଞ୍ଚଳବାସୀ ମିଶି ସାପଟିକୁ ଉଦ୍ଧାର କରି କୁଲଡିହା ବନବିଭାଗକୁ ହସ୍ତାନ୍ତର କରିଛନ୍ତି।
