ନୂଆଦିଲ୍ଲୀ : ଅରବପତି ଏଲନ ମସ୍କ କହିଛନ୍ତି, ଗତ ୮ ମାସରେ ତାଙ୍କ ଉପରକୁ ୨ ଥର ହତ୍ୟା ଉଦ୍ୟମ କରାଯାଇଛି । ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରକୁ ମରଣାନ୍ତକ ଆକ୍ରମଣ ପରେ ଏଲନ ଏମିତି ବୟାନ ଦେଇଛନ୍ତି । ସେ ଏହା ମଧ୍ୟ କହିଛନ୍ତି ଯେ ଆଗାମୀ ସମୟ ଅଧିକ ବିପଜ୍ଜନକ । ୨ ଜଣ ଭିନ୍ନ ଭିନ୍ନ ସ୍ଥାନରେ ତାଙ୍କୁ ମାରିବାକୁ ଉଦ୍ୟମ କରିସାରିଛନ୍ତି । ଏପରିକି ଟେକ୍ସାସରେ ଟେସଲାର ମୁଖ୍ୟାଳୟରୁ ପ୍ରାୟ ୨୦ ମିନିଟର ଡ୍ରାଇଭ ପରେ ବନ୍ଧୁକ ସହିତ ଜଣକୁ ଗିରଫ କରାଯାଇଥିବା ମଧ୍ୟ ସେ ସୂଚନା ଦେଇଛନ୍ତି ।
ଏହା ସହିତ ଡୋନାଲ୍ଡ ଟ୍ରମ୍ପଙ୍କ ସମର୍ଥନ ପାଇଁ ମଧ୍ୟ ଆଗେଇ ଆସିଛନ୍ତି ଏଲନ ମସ୍କ । ସେ ଆଗାମୀ ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କୁ ସମର୍ଥନ କରିବା ନେଇ ସ୍ପଷ୍ଟ ଘୋଷଣା କରିଦେଇଛନ୍ତି । ସେ ଏହା ମଧ୍ୟ କହିଛନ୍ତି କି ଏହି ଆକ୍ରମଣ ପରେ ସିକ୍ରେଟ୍ ସର୍ଭିସ ମୁଖ୍ୟଙ୍କ ଇସ୍ତଫା ଦେଇଦେବା ଉଚିତ୍ । କହିରଖୁଛୁ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଭାଷଣ ସଭାରେ ଗୁଳି ଚାଲିଥିଲା ଏବଂ ତାଙ୍କ ମୁଣ୍ଡରୁ ରକ୍ତ ବାହାରୁଥିବା ନଜର ଆସିଥିଲା । ତାଙ୍କୁ ଆମେରିକାର ସିକ୍ରେଟ ସର୍ଭିସର ଏଜେଣ୍ଟ ମଞ୍ଚରୁ ସୁରକ୍ଷିତ ଭାବେ ନେଉଥିଲେ । ତାଙ୍କୁ ହତ୍ୟା ଉଦ୍ୟମ କରାଯାଇଥିଲା କିନ୍ତୁ ସେ ସୁରକ୍ଷିତ ଥିବା ସୂଚନା ଗଣମାଧ୍ୟମକୁ ଦିଆଯାଇଥିଲା ।
କିଛି ସମୟ ପରେ ଖୋଲିବ ରତ୍ନଭଣ୍ଡାର: ପହଞ୍ଚିଲା ୬ ସିନ୍ଦୁକ, ମନ୍ଦିର ଭିତରକୁ ଗଲେ ୧୧ ଜଣିଆ ଟିମ୍
Comments are closed.