କିଭ୍ : ଚାଲିଛି ରୁଷ ଓ ୟୁକ୍ରେନ ମଧ୍ୟରେ ଘମାଘୋଟ ଲଢ଼େଇ । ଆଜି ଚତୁର୍ଥ ଦିନରେ ପହଞ୍ଚିଛି ଯୁଦ୍ଧ । ଏନେଇ ଆଜି ଏଲନ୍ ମସ୍କ ତାଙ୍କର ବିବୃତି ରଖିଛନ୍ତି । ସେ କହିଛନ୍ତି ତାଙ୍କ କମ୍ପାନୀ ସ୍ପେସ୍ ଏକ୍ସର ଷ୍ଟାରଲିଙ୍କ ଉପଗ୍ରହ ବ୍ରଡବ୍ୟାଣ୍ଡ ସେବା ୟୁକ୍ରେନରେ ସକ୍ରିୟ ହୋଇଛି। ଦେଶର ଉପ-ପ୍ରଧାନମନ୍ତ୍ରୀ ତଥା ଡିଜିଟାଲ ଟ୍ରାନ୍ସଫର୍ମେସନ୍ ମନ୍ତ୍ରୀ ମାଇଖାଇଲୋ ଫେଡୋରୋଭ ରୁଷର ଆକ୍ରମଣକୁ ପ୍ରତିରୋଧ କରିବା ନେଇ ତାଙ୍କ ସହ ଆଲୋଚନା କରିଥିଲେ । ଉପଗ୍ରହ ଭିତ୍ତିକ ଯୋଗାଯୋଗ ଯୋଗାଇବାକୁ ଅନୁରୋଧ କରିବା ପରେ ଏହି ପଦକ୍ଷେପ ନିଆଯାଇଛି ବୋଲି ଏଲନ୍ ମସ୍କ କହିଛନ୍ତି ।
୨୫ ଟି ଦେଶରେ ୧,୪୫,୦୦୦ ଉପଭୋକ୍ତାଙ୍କ ପାଇଁ ଏହି ବ୍ୟବସ୍ଥା ହୋଇଛି । ମସ୍କଙ୍କ କହିବା ଅନୁସାରେ ଲେଜର ଉପଗ୍ରହ ଲିଙ୍କଗୁଡ଼ିକ ସୁଗମ କାର୍ୟ୍ୟ ଏବଂ ନିର୍ଭରଯୋଗ୍ୟ ଇଣ୍ଟରନେଟ୍ କଭରେଜକୁ ସୁନିଶ୍ଚିତ କରେ । ୟୁକ୍ରେନରେ ଷ୍ଟାରଲିଙ୍କ ସେବା ଯୋଗାଇବା ପାଇଁ ଫେଡୋରୋଭ ତାଙ୍କୁ ନିବେଦନ କରିବାର ପ୍ରାୟ ୧୦ ଘଣ୍ଟା ପରେ ଏଲନ ମସ୍କଙ୍କ ଟ୍ୱିଟ କରିଥିଲେ । ୟୁକ୍ରେନର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲ ଏବଂ ଫେଡୋରୋଭ ପରେ ଏଲନ୍ ମସ୍କ ଏବଂ ଆମେରିକାର ରାଷ୍ଟ୍ରଦୂତ ଅକ୍ସାନା ମାର୍କାରୋଭାଙ୍କୁ ଧନ୍ୟବାଦ ଜଣାଇଲେ ଯାହା ସେମାନଙ୍କୁ ୟୁକ୍ରେନରେ ଷ୍ଟାରଲିଙ୍କ୍ ସକ୍ରିୟ କରିବାକୁ ଅନୁମତି ଦେଇଥିଲା ।
Comments are closed.