ଭୁବନେଶ୍ବର: ଏସଆଇଟି ପାଇଲା ହାତୀ କଙ୍କାଳ। କଟକ ବଡ଼ମ୍ବା ବନାଞ୍ଚଳରୁ ଆଉ ଏକ ହାତୀର କଙ୍କାଳ ଠାବ। ହାତୀ କଙ୍କାଳ ମିଳିବା ଏବଂ ଗୁଳିବିଦ୍ଧ ହାତୀର ମୃତ୍ୟୁକୁ ନେଇ ଖୋଳତାଡ଼। ଗୋପପୁର ରେଞ୍ଜ ମଣ୍ଡପ ରିଜର୍ଭ ଜଙ୍ଗଲରୁ ଠାବ ହେଲା ହାତୀ କଙ୍କାଳ। ହାତୀ ମୃତ୍ୟୁର ତଦନ୍ତ ପାଇଁ ଯାଇଥିବା କ୍ରାଇମବ୍ରାଞ୍ଚ ଏସଟିଏଫ ଟିମ ଦ୍ବାରା ହାତୀ କଙ୍କାଳ ଠାବ କରାଯାଇଛି। ପୂର୍ବରୁ ମିଳିଥିବା ହାତୀ କଙ୍କାଳର ତଦନ୍ତ ପାଇଁ ଯାଇଥିଲା କ୍ରାଇମବ୍ରାଞ୍ଚ ଏସଟିଏଫ ଟିମ।
ପ୍ରଧାନ ମୁଖ୍ୟ ବନ ସଂରକ୍ଷକ (ପିସିିସିଏଫ) କହିଛନ୍ତି ଯେ କଟକ ନରସିଂହପୁର ଜଙ୍ଗଲରେ ହାତୀ ମୃତ୍ୟୁ ମାମଲାରେ ଗ୍ରାଉଣ୍ଡକୁ ଯାଇ ଏସଆଇଟି ତଦନ୍ତ ଆରମ୍ଭ କରିଛି। ବନ ବିଭାଗ ଓ କ୍ରାଇମବ୍ରାଞ୍ଚ ଟିମର ତଦନ୍ତ ଆରମ୍ଭ ହୋଇଛି। ଏହି ଘଟଣାରେ ୩ଜଣ ଟ୍ରାକରଙ୍କ ସହ ରେଞ୍ଜର ଓ ଫରେଷ୍ଟର ସମ୍ପୃକ୍ତି ରହିଛି। ଘଟଣାରେ ସମ୍ପୃକ୍ତ ଥିବା ୩ଜଣ ଟ୍ରାକରଙ୍କୁ ଗିରଫ କରାଯାଇଛି। ରେଞ୍ଜର ଓ ଫରେଷ୍ଟର ଫେରାର ଅଛନ୍ତି, ସେମାନଙ୍କୁ ଗିରଫ କରିବାକୁ ପ୍ରୟାସ ଚାଲିଛି ବୋଲି ପ୍ରଧାନ ମୁଖ୍ୟ ବନ ସଂରକ୍ଷକ ସୂଚନା ଦେଇଛନ୍ତି।
