ଚୌଦ୍ୱାର : ଚୌଦ୍ୱାର ଅଞ୍ଚଳରେ ବାରମ୍ବାର ଅଘୋଷିତ ବିଦ୍ୟୁତ କାଟ, ବିଦ୍ୟୁତ୍ ଦେୟପାଇଁ ଗ୍ରାହକ ମାନଙ୍କ ଉପରେ ଜୁଲୁମ,ଲୋ- ଭୋଲଟେଜ, ବିଦ୍ୟୁତ୍ ଯୋଗାଣ କାରୀ ସଂସ୍ଥା କର୍ମଚାରୀ ମାନଙ୍କଦ୍ୱାରା ଗ୍ରାହକ ମାନଙ୍କୁ ଦୁର୍ବ୍ୟବହାର ଆଦି ପ୍ରତିବାଦରେ ଚୌଦ୍ୱାର ନଗର କଂଗ୍ରେସ ଓ ବିଦ୍ୟୁତ୍ ଉପଭୋକ୍ତା ମଞ୍ଚ ତରଫରୁ ଟାଟା ପାୱାର ଅଫିସରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ନଗର କଂଗ୍ରେସ ସଭାପତି ବିଜୟ କୁମାର ବେହେରାଙ୍କ ନେତୃତ୍ୱରେ ଦଳର ବହୁ ନେତା ଓ କର୍ମୀ ତଥା ଉପଭୋକ୍ତା ମଞ୍ଚର ସଦସ୍ୟମାନେ ଟାଟା ପାୱାର ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହିତ ଟାଟା ପାୱାରର ଉପଭୋକ୍ତା ଶୋଷଣ ନୀତିର ତୀବ୍ର ସମାଲୋଚନା କରିଥିଲେ । ଏସମ୍ପର୍କିତ ୧୦ଦଫା ଦାବି ସମ୍ବଳିତ ଏକ ଦାବିପତ୍ର ଏସ୍ଡ଼ିଓ ସମୀର ରଞ୍ଜନ ପଡ଼ିହାରୀଙ୍କୁ ପ୍ରଦାନ କରାଯାଇଥିଲା । ମାସକ ମଧ୍ୟରେ ଦାବି ପୂରଣ ନହେଲେ ଅନ୍ଦୋଳନକୁ ତୀବ୍ରତର କରାଯିବ ବୋଲି ବିକ୍ଷୋଭକାରୀ ମାନେ ଚେତାବନୀ ଦେଇଥିଲେ । ମୋନାଲିସା ଦାସ, ହରିହର ପରିଡ଼ା, ଧୀରେନ୍ଦ୍ର ଚୌଧୁରୀ, ଜୟନ୍ତୀ ନାଥ, ସେକ୍ ସମୀମ, ବିଦ୍ୟୁତ ଉପଭୋକ୍ତା ମଞ୍ଚର ଜୟ ସିଂ, ବିଷ୍ଣୁ ଚରଣ ସାହୁ ପ୍ରମୁଖ ବିକ୍ଷୋଭର ନେତୃତ୍ୱ ନେଇଥିଲେ ।
Popular Categories
Previous article
Next article