ବିକାଶ ମଞ୍ଚ ପକ୍ଷରୁ ଗରିବଙ୍କୁ ବିଦ୍ୟୁତ୍‍ ବଲ୍‍ବ ବଣ୍ଟନ

ଆଠଗଡ :  ଆଠଗଡ ଅଞ୍ଚଳର ଅନ୍ୟତମ ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ଆଠଗଡ ବିକାଶ ମଞ୍ଚ ପକ୍ଷରୁ ରାଧାଗୋବିନ୍ଦପୁର ପଞ୍ଚାୟତର ସୁଧାଂଶୁମୋହନପୁର ଶବରସାହିରେ ଗରିବଙ୍କୁ ବିଦ୍ୟୁତ୍‍ ବଲ୍‍ବ ବଣ୍ଟନ କରାଯାଇଛି । ବୁଧବାର ବିକାଶ ମଞ୍ଚର ପ୍ରତିଷ୍ଠାତା ସଭାପତି ତଥା ସମାଜସେବୀ ମାନସ ରଞ୍ଜନ ବସ୍ତିଆ ଓ ତାଙ୍କ ସଂଗଠନର ଅନ୍ୟ ସଦସ୍ୟ ସୁଧାଂଶୁମୋହନପୁରରେ ପହଞ୍ଚି ୫୦ରୁ ଉର୍ଦ୍ଧ ଲୋକଙ୍କୁ ଏଲଇଡି ବଲବ ବଣ୍ଟନ କରିଥିଲେ । ବର୍ଷାଋତୁରେ ସରୀସୃପଙ୍କ ଭୟଥିବାରୁ ନିଜ ଘର ପରିସରକୁ ସଫା ସୁତୁରା ରଖିବା ସହ ଆଲୋକିତ କରିବା ପାଇଁ ଶ୍ରୀ ବସ୍ତିଆ ଲୋକଙ୍କୁ ସଚେତନ କରିଥିଲେ । ସୁଧାଂଶୁମୋହନପୁରବାସୀ ବିକାଶ ମଞ୍ଚ ଓ ଶ୍ରୀ ବସ୍ତିଆଙ୍କୁ ଏହି ମହନୀୟ କାର୍ଯ୍ୟ ପାଇଁ କୃତଜ୍ଞତା ଜଣାଇଥିଲେ।

Comments are closed.