ଆସନ୍ତାକାଲି ଏବଂ ୧୭ରେ ଓଡିଶାରେ ହିମନ୍ତ ବିଶ୍ୱଶର୍ମା କରିବେ ନିର୍ବାଚନ ପ୍ରଚାର। ୨ ଦିନରେ ମୋଟ ୯ଟି ସ୍ଥାନରେ ସଭା କରିବେ ଆସାମ ମୁଖ୍ୟମନ୍ତ୍ରୀ। ସେ ଆସନ୍ତାକାଲି ବ୍ରଜରାଜନଗର, ବଣାଇ, ଅତାବିରା ଓ ଜଟଣୀରେ ଜନସଭାରେ ଯୋଗ ଦେବା ସହ ୧୭ରେ କବିସୂର୍ଯ୍ୟନଗର, କଣ୍ଟାବାଞ୍ଜି, ଲୋଇସିଂହା, ସତ୍ୟବାଦୀ, ପିପିଲିରେ ହେବାକୁ ଥିବା ଜନସଭାରେ ଯୋଗଦେବେ।
ସେହିପରି ରାଜ୍ୟକୁ ନିର୍ବାଚନ ପ୍ରଚାରରେ ଆସିବେ ଛତିଶଗଡ ଓ ରାଜସ୍ଥାନ ମୁଖ୍ୟମନ୍ତ୍ରୀ। ଆସନ୍ତାକାଲି (ଗୁରୁବାର) ବିଷ୍ଣୁଦେବ ସାଏ ତଳସରା, ବିଜେପୁର, ବୀରମହାରାଜପୁରରେ ସଭା କରିବେ। ମେ’ ୧୭ରେ ସୁନ୍ଦରଗଡ, ରାଜଗାଙ୍ଗପୁର, ବୀରମିତ୍ରପୁରରେ ମଧ୍ୟ ସେ ସଭା କରିବେ। ଅନ୍ୟପକ୍ଷରେ ୧୭ରେ ରାଜସ୍ଥାନ ମୁଖ୍ୟମନ୍ତ୍ରୀ ଭଜନଲାଲ ଶର୍ମା ୩ଟି ସ୍ଥାନରେ ଜନସଭାରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି। ୧୭ରେ ସାନଖେମୁଣ୍ଡି, ଦଶପଲ୍ଲା, ଜି.ଉଦୟଗିରିରେ ସଭା କରିବେ। ଗୁରୁବାର ସକାଳେ ଭୁବନେଶ୍ୱରରେ ରୋଡ୍ ଶୋ’ କରିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା। ମାଉସୀ ମା’ ମନ୍ଦିର ଠାରୁ ଲିଙ୍ଗରାଜ ମନ୍ଦିର ପର୍ଯ୍ୟନ୍ତ କରିବେ ରୋଡ୍ ଶୋ’। ଅପରାହ୍ଣରେ ପଦ୍ମପୁର ଓ ସୁନ୍ଦରଗଡରେ ସଭାରେ ଯୋଗ ଦେବାର କାର୍ଯ୍ୟକ୍ରମ ରହିଛି।
