କଟକ: କଟକ ସହରରେ ପ୍ରଫେଟ ମହମ୍ମଦଙ୍କ ଜନ୍ମ ଜୟନ୍ତୀ ବଡ ଧୁମଧାମ ସହକାରେ ପାଳିତ ହେଉଛି। ଏହି ଅବସରରେ କଟକ ସହରର ବିଭିନ୍ନ ସାହି ମସଜିଦ କମିଟି ପକ୍ଷରୁ ଶୋଭାଯାତ୍ରା ବାହାରିଥିଲା। କଟକ ସହର ଓ ଉପକଣ୍ଠ ଅଞ୍ଚଳର ପାଖାପାଖି ୫୫ ରୁ ୬୦ ଟି ସାହି ଏହି ଶୋଭାଯାତ୍ରାରେ ସାମିଲ ହୋଇଥିଲେ। ସମସ୍ତେ ନିଜ ନିଜ ସାହି ପରିକ୍ରମା କରିବା ପରେ ମାତମଠ ଛକଠାରେ ଏକାଠି ହୋଇଥିଲେ। ପରେ ସେଠାରୁ ସମସ୍ତେ ଏକସାଙ୍ଗରେ ବାହାରି ବକ୍ସି ବଜାର, ସୂତାହାଟ ଦେଇ ପ୍ରଫେଟ ମହମ୍ମଦଙ୍କ ପାଦଚିହ୍ନ ଥିବା କଦମ ଏ ରସୁଲଠାରେ ପହଞ୍ଚିଥିଲେ। ସେଠାରେ ସାମୁହିକ ପ୍ରାର୍ଥନା କରାଯାଇଥିଲା। ଏଥିରେ ମସଜିଦ, ମକ୍କା ମଦିନାର ପ୍ରଜ୍ଞାପନ ମେଢ଼ ମଧ୍ୟ ସାମିଲ ହୋଇଥିଲା। ହଜାର ହଜାର ମୁସଲମାନ ଭାଇମାନେ ଏହି ବଡ଼ ପର୍ବ ରେ ସାମିଲ ହୋଇଥିଲେ।
Comments are closed.