ପିଲା ଓ ଯୁବବର୍ଗ ନିୟମିତ ଭାବେ ଅଣ୍ଡା ଖାଇବା ସେମାନଙ୍କ ସ୍ବାସ୍ଥ୍ୟ ପାଇଁ ହିତକାରୀ। ମହିଳାମାନେ ପ୍ରତ୍ୟହ ଅଣ୍ଡା ଖାଇବା ଆବଶ୍ୟକ ବୋଲି ଅନୁଧ୍ୟାନରୁ ଜଣାପଡ଼ିଛି। ବିଶେଷଜ୍ଞଙ୍କ ମତରେ ବୟସ୍କ ପିଢ଼ି ଅଣ୍ଡା ଖାଇବା ପୂର୍ବରୁ ଡାକ୍ତରଙ୍କ ପରାମର୍ଶ ନେବା ଆବଶ୍ୟକ। ସପ୍ତାହରେ ୩-୬ଟି ଅଣ୍ଡା ଖାଇବା ସ୍ବାସ୍ଥ୍ୟ ପାଇଁ ହିତକାରୀ। କିଶୋର ସମୟରୁ ପ୍ରତ୍ୟହ ଅଣ୍ଡା ଖାଇଲେ ବୟସ ବଢ଼ିଲେ ହୃଦ୍ରୋଗ, ରକ୍ତଚାପଜନିତ ରୋଗ ହେବାର ଆଶଙ୍କା ଅପେକ୍ଷାକୃତ କମ୍ ହୋଇଥାଏ। ଅଣ୍ଡାରେ ଥିବା ବିଭିନ୍ନ ପ୍ରକାରର ପୋଷକତତ୍ତ୍ବ ଆମ ଶରୀରର ରୋଗପ୍ରତିରୋଧକ ଶକ୍ତି ବଢ଼ାଇଥାଏ। ୨୦୧୯ ସେପ୍ଟେମ୍ବରରେ ୧ଲକ୍ଷ ଲୋକଙ୍କୁ ସାମିଲ କରାଯାଇ ନ୍ୟୁଜିଲାଣ୍ଡରେ ଏକ ଗବେଷଣା ହୋଇଥିଲା। ଏମାନଙ୍କୁ ସାପ୍ତାହିକ ଭାବେ ୩-୬ଟି ଅଣ୍ଡା ଖାଇବାକୁ ପରାମର୍ଶ ଦିଆଯାଇଥିଲା। ଏହି ବର୍ଗର ଲୋକଙ୍କ ଓଜନ ନିୟନ୍ତ୍ରଣରେ ରହିବା ସହ ରକ୍ତଚାପ ମଧ୍ୟ ଠିକ୍ ରହୁଥିଲା। ତେବେ ଅଧିକ ପରିମାଣର ଅଣ୍ଡା ଖାଇଲେ ତାହା ସ୍ବାସ୍ଥ୍ୟ ପାଇଁ କ୍ଷତିକାରକ ହୋଇପାରେ ବୋଲି ଖାଦ୍ୟ ବିଶେଷଜ୍ଞଙ୍କ ମତ।
Popular Categories
Previous article
Next article