ନୂଆଦିଲ୍ଲୀ : ଦିଲ୍ଲୀ ବିଶ୍ବବିଦ୍ୟାଳୟର ଛାତ୍ର ସଂସଦ(ଡିୟୁଏସ୍ୟୁ) ନିର୍ବାଚନରେ ବିଜେପି ସମର୍ଥିତ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) ମୋଟ ୪ ଟି ଆସନରୁ ୩ଟିରେ ବିଜୟଲାଭ କରିଛି। ଅନ୍ୟ ଆସନଟି କଂଗ୍ରେସ ସମର୍ଥିତ ଭାରତୀୟ ଜାତୀୟ ଛାତ୍ର ସଂଘ(ଏନଏସୟୁଆଇ)କୁ ମିଳିଛି। ଏବିଭିପି ପ୍ରାର୍ଥୀ ଅକ୍ଷିତ ଦହିୟା ସଭାପତି, ପ୍ରଦୀପ ତନୱର ଉପସଭାପତି ଏବଂ ଶିବାଙ୍ଗୀ ଖରୱାଲ ଯୁଗ୍ମ-ସଚିବ ଆସନ ପାଇଁ ପ୍ରତିଦ୍ବନ୍ଦ୍ବିତା କରି ବହୁ ଭୋଟରେ ଜିତିଛନ୍ତି। ଏନଏସୟୁଆଇ ପ୍ରାର୍ଥୀ ଆକାଶ ଚୌଧୁରୀ ସମ୍ପାଦକ ଆସନ ଜିତିବାରେ ସଫଳ ହୋଇଛନ୍ତି।
ଶୁକ୍ରବାର ଗଣତିର ସିଧାପ୍ରସାରଣ ବ୍ୟବସ୍ଥା କରାଯାଇଥିଲା; ମାତ୍ର ଯାନ୍ତ୍ରିକ ତ୍ରୁଟି କାରଣରୁ ପ୍ରଥମରୁ ସେଥିରେ ବାଧା ଉପୁଜିଥିଲା। ଛାତ୍ରଛାତ୍ରୀମାନେ ଯନ୍ତ୍ରାଂଶ ସଜାଡିବାକୁ ଦାବି କରିବାରୁ ଗଣତିରେ ବିଳମ୍ବ ହୋଇଥିଲା। ଫଳରେ ପୂର୍ବାହ୍ଣ ୮ଟା ୩୦ ପରିବେର୍ତ୍ତ ୧୦ଟା ୩୦ରେ ଭୋଟ ଗଣତି ଆରମ୍ଭ ହୋଇଥିଲା। ଇଭିଏମରେ ତ୍ରୁଟି ଅଭିଯୋଗ ସତ୍ତ୍ବେ ଯଥାସମୟରେ ୪ ଆସନ ପାଇଁ ଭୋଟ ଗ୍ରହଣ କରାଯାଇଥିଲା। ଚଳିତଥର ୪ ଛାତ୍ରୀଙ୍କ ସମେତ ମୋଟ ୧୬ ଜଣ ପ୍ରତିଦ୍ବନ୍ଦ୍ବିତା କରିଥିଲେ। ୫୨ଟି ମତଦାନ କେନ୍ଦ୍ରରେ ୧୪୪ଟି ଇଭିଏମରେ ମାଧ୍ୟମରେ ଭୋଟ ଗ୍ରହଣ କରାଯାଇଥିଲା।
ଡିୟୁଏସ୍ୟୁ ନିର୍ବାଚନ; ଏବିଭିପିକୁ ୩ , ଏନ୍ଏସ୍ୟୁଆଇକୁ ଗୋଟିଏ ଆସନ
Popular Categories
Previous article
Next article